ଯାଜପୁରରେ ବଢୁଛି ବିଜେଡି, ପ୍ରଣବଙ୍କ ଉପସ୍ଥିତିରେ ଯୋଗଦେଲେ ଶତାଧିକ କର୍ମୀ

1 min read

ଯାଜପୁର: ବଢୁଛି ବିଜେଡି ବଳ । ପଞ୍ଚାୟତ ନିର୍ବାଚନ ପୂର୍ବରୁ ଆହୁରି ସଶକ୍ତ ହେଉଛି ବିଜେଡି । ଯାଜପୁରରେ ଆଜି ବିଜୁ ଜନତା ଦଳର ମିଶ୍ରଣ ପର୍ବ ଅନୁଷ୍ଠିତ ହୋଇଛି । ସିମିଳିଆ ପଞ୍ଚାୟତର ବହୁ ଯୁବକ ମହିଳା ବିଜୁ ଜନତା ଦଳରେ ଯୋଗ ଦେଇଛନ୍ତି । ଯାଜପୁର ବିଧାୟକ ତଥା ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ମିଶ୍ରଣ ପର୍ବରେ ଯୋଗଦେଇ କର୍ମୀଙ୍କୁ ଉତ୍ସାହିତ କରିଛନ୍ତି ।

ପଞ୍ଚାୟତରେ ଆଗକୁ କିପରି ଆହୁରି ଉନ୍ନତି ହେବ ଏବଂ ମା ମାନେ ସ୍ବାବଲମ୍ବୀ ହେବେ ସେନେଇ ପଦକ୍ଷେପ ନିଆଯିବ ବୋଲି ବିଧାୟକ କହିଛନ୍ତି । ।ଆଗାମୀ ଦିନରେ ସ୍ଥାନୀୟ ଅଞ୍ଚଳରେ ଏକ ସେତୁ ନିର୍ମାଣ କରାଯିବ ଯାହା ଫଳରେ ବନ୍ୟା ଦାଉରୁ ଲୋକମାନେ ରକ୍ଷା ପାଇପାରିବେ । ସଠିଆଟିକିରି ଠାରୁ ଯାଜପୁର ମୁଖ୍ୟ ରାସ୍ତା ପର୍ଯ୍ୟନ୍ତ ଏହି ସେତୁ ନିର୍ମାଣ କରିବାକୁ ନିଷ୍ପତ୍ତି ହୋଇଛି ।

ମିଶ୍ରଣ ପର୍ବରେ ଯାଜପୁର ବିଜେଡିର ପୂର୍ବତନ ପୌରାଧକ୍ଷ ଭାବପ୍ରସାଦ ଦାସ, ସ୍ଥାନୀୟ ସରପଞ୍ଚ ପରେସ ବିଶ୍ବାଳଙ୍କ ବରିଷ୍ଠ କର୍ମୀମାନେ ଯୋଗଦେଇଥିଲେ । ଆଗାମୀ ଦିନରେ ଦଳକୁ ମଜଭୁତ କରିବା ସହ ପଞ୍ଚାୟତ ନିର୍ବାଚନରେ କିପରି ନେତୃତ୍ୱ ମାନଙ୍କୁ ଜିତାପଟ କରାଯିବ ସେନେଇ ବୈଠକରେ ବିସ୍ତୃତ ଆଲୋଚନା ହୋଇଥିଲା  । ଅନ୍ୟ ଦଳରୁ ଶତାଧିକ କାର୍ଯ୍ୟକର୍ତ୍ତା ବିଜୁ ଜନତା ଦଳରେ ପ୍ରବେଶ କରିବା ନିହାତି ଦଳକୁ ଶକ୍ତିଶାଳୀ କରିବ ବୋଲି ମତବ୍ୟକ୍ତ କରିଥିଲେ ବରିଷ୍ଠ ନେତା  ।

Opn Commnet Area

Leave a Reply

Your email address will not be published. Required fields are marked *

Close Bitnami banner