ଜଗତସିଂହପୁରରେ BJD କାର୍ଯ୍ୟକାରିଣୀ ବୈଠକ, ଦଳକୁ ସଶକ୍ତ ପାଇଁ ଆହ୍ୱାନ

ଜଗତସିଂହପୁର: ବିଜୁ ଜନତା ଦଳର ଜିଲ୍ଲା କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି  । ଜଗତସିଂହପୁରରେ ଅନୁଷ୍ଠିତ ହୋଇଯାଇଛି ପରିବର୍ଦ୍ଧିତ ଜିଲ୍ଲା ବୈଠକ  । ବିଜେଡି ସଭାପତି ତଥା ବିଧାୟକ ପ୍ରଶାନ୍ତ ମୁଦୁଲିଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଛି ଆଜିର କାର୍ଯ୍ୟକ୍ରମ । ବୈଠକରେ ବରିଷ୍ଠ ପର୍ଯ୍ୟବେକ୍ଷକ ପ୍ରସନ୍ନ ଆଚାର୍ଯ୍ୟ, ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ, ଜଳ ସମ୍ପଦ ଓ ସୂଚନା ଓ ଲୋକସମ୍ପର୍କ ବିଭାଗ ମନ୍ତ୍ରୀ ରଘୁନନ୍ଦନ ଦାସ ସାମିଲ ହୋଇଥିଲେ ।

ଜଗତସିଂହପୁର ଜିଲ୍ଲାର ସାମ୍ପ୍ରତିକ ରାଜନୈତିକ ବ୍ୟବସ୍ଥା ଓ ପୌର ନିର୍ବାଚନ ପ୍ରସଙ୍ଗରରେ ବୈଠକରେ ଆଲୋଚନା ହୋଇଥିଲା । ଏହାସହ ତୃଣମୂଳ ସ୍ତରରେ ଆଗ ଅପେକ୍ଷା ଦଳ କିପରି ଭଲ ପ୍ରଦର୍ଶନ କରିବ ସେ ବିଷୟରେ ଆଲୋଚନା ହୋଇଥିଲା । ଜିଲ୍ଲାରେ ବିଜୁ ଜନତା ଦଳର ଲକ୍ଷ୍ୟ ଓ ଉଦେଶ୍ୟ ଯେପରି ପ୍ରତିଟି ଲୋକଙ୍କ ପାଖରେ ପହଁଚାପାରିବେ ସେନେଇ ମଧ୍ୟ ଆଲୋକପାତ କରିଥିଲେ ଦଳର ଅନେକ ବରିଷ୍ଠ ନେତା  ।