‘ମୋତେ ଆଶୀର୍ବାଦ କର, ବାପାଙ୍କ ପରି ସେବା କରିବି’
ବରଗଡ: ସରଗରମ ହୋଇଛି ପଦ୍ମପୁର ପ୍ରଚାର ରାଜନୀତି । ଆଜି ମୈଦାନକୁ ଓହ୍ଲାଇଛନ୍ତି ବିଜେଡି ପ୍ରାର୍ଥୀ ବର୍ଷା ସିଂହ ବରିହା । ସର୍ଗିପାଲି ସଭାରେ ଯୋଗ ଦେଇଛନ୍ତି ବର୍ଷା । ସଭାମଞ୍ଚରେ ବାପା ବିଜୟ ରଂଜନ ସିଂହ ବରିହାଙ୍କୁ ମନେ ପକେଇ ସେ କାନ୍ଦି ପକେଇଥିଲେ । ଭାବବିହ୍ବଳ କଣ୍ଠରେ ସଭାମଞ୍ଚରୁ ଭୋଟରଙ୍କ ଆଶୀର୍ବାଦ ଲୋଡିଥିଲେ ବର୍ଷା ।
ପଦ୍ମପୁରବାସୀଙ୍କ ସହ ତାଙ୍କ ବାପାଙ୍କ ଥିବା ସମ୍ପର୍କକୁ ଆଗେଇ ନେବାକୁ ସଭା ମଞ୍ଚରୁ ତଳକୁ ଓହ୍ଲାଇ ଆସିଥିଲେ ବର୍ଷା । ମଞ୍ଚ ତଳେ ସାଧାରଣ ଲୋକଙ୍କ ସହ ଭାବର ଆଦାନ ପ୍ରଦାନ କରିଥିଲେ ।
ଗୁରୁଜନଙ୍କୁ ମୁଣ୍ଡିଆ ମାରି ସୁଖଦୁଃଖର ସାଥୀ ହେବାକୁ ପ୍ରତିଶୃତି ଦେଇଥିଲେ । ସେହିଭଳି ସାନମାନଙ୍କୁ ସ୍ନେହ ଦେବା ସହ ଯୁବପିଢୀଙ୍କ ସହ ଉଠାଇଥିଲେ ସେଲଫି । ଆରମ୍ଭରୁ ଶେଷ ଯାଏଁ ବର୍ଷା ଥିଲେ ସଭାର ଆକର୍ଷଣ ।
