ଭୁବନେଶ୍ବର: ବିଜେଡି ରାଜ୍ୟସଭା ସାଂସଦ ସସ୍ମିତ ପାତ୍ରଙ୍କ ସାମ୍ବାଦିକ ସମ୍ମିଳନୀ। ୪୮ ଘଣ୍ଟା ପୂର୍ବରୁ ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ନେଇ ଯେଉଁ ପ୍ରସଙ୍ଗ ରଖାଯାଇଥିଲା ମୋହନ ମାଝୀଙ୍କ ପାଇଁ ତାକୁ ନେଇ ପ୍ରଶ୍ନ ଉଠାଇଲା ବିଜେଡି। ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ପାଇଁ କେନ୍ଦ୍ରକୁ ଚିଠି ଲେଖିବା ପାଇଁ ଆହ୍ୱାନ ଦିଆଯାଇଥିଲା। କିନ୍ତୁ ୪୮ ଘଣ୍ଟା ପରେ ବି ଚିଠି ଲେଖାଯାଇନାହିଁ।
ବିଜେପିର ଇଛାଶକ୍ତି ନାହିଁ ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ପାଇଁ। ମୁଖ୍ୟମନ୍ତ୍ରୀ ଚାପଗ୍ରସ୍ତ ହୋଇ ୟୁଟର୍ନ ମାରନ୍ତି ନେତାଙ୍କ ଚାପରେ ବୋଲି ପୁଣିଥରେ ଅଭିଯୋଗ କଲା ବିଜେଡି। ମୁଖ୍ୟମନ୍ତ୍ରୀ ଭୟଭୀତ ହୁଅନ୍ତୁ ନାହିଁ ଚିଠି ଲେଖନ୍ତୁ ବୋଲି ଆଉ ଥରେ ଦେଲା ଆହ୍ୱାନ।
ଆଉ ୨୪ ଘଣ୍ଟା ଭିତରେ ଏ ସମ୍ପର୍କରେ ଚିଠି ନ ଲେଖିଲେ ଇଛାଶକ୍ତି ନାହିଁ ବୋଲି ପ୍ରମାଣ ହେବ। ପ୍ରଧାନମନ୍ତ୍ରୀ ଓଡିଶା ଆସୁଥିବାରୁ ବିଜେଡିର ଉପଦେଶ। ମଞ୍ଚ ଉପରେ ପ୍ରଧାନମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ମୋହନ ମାଝୀ ରହୁଥିବାରୁ ଏହି ପ୍ରସଙ୍ଗ ପିଏମଙ୍କ ଦୃଷ୍ଟିକୁ ଆଣିବେ ନା ତୁନି ହୋଇ ରହିବେ ବୋଲି ପ୍ରଶ୍ନ। ମଞ୍ଚ ଉପରେ ସତସହସ ବାନ୍ଧି ପିଏମଙ୍କ କୁହନ୍ତୁ। ଏଥିରୁ ଜଣାପଡିବ ଡବଲ ଇଞ୍ଜିନ କି ଡବଲ ଡବା ବୋଲି କହିଲେ ସସ୍ମିତ ପାତ୍ର।
