ବିରମିତ୍ରପୁର ନାବାଳିକା ଦୁଷ୍କର୍ମ ଘଟଣା: ଥାନା ବଡ଼ବାବୁ ଓ ଡାକ୍ତରଙ୍କ ପରେ ଏବେ ଜେଲ୍ ଗଲା ଡ୍ରାଇଭର
ସୁନ୍ଦରଗଡ଼: ଜେଲ୍ ଗଲେ ବିରମିତ୍ରପୁର ଥାନା ଡ୍ରାଇଭର ଗୁରୁଚରଣ ଫରକର । ବିରମିତ୍ରପୁର ନାବାଳିକା ଦୁଷ୍କର୍ମ ଓ ଗର୍ଭପାତ ମାମଲାରେ ଡ୍ରାଇଭରକୁ ଗିରଫ କରି ପୋଲିସ କୋର୍ଟ ଚାଲାଣ କରିଥିଲା । ଶନିବାର ପୋକ୍ସୋ କୋର୍ଟରେ ଜାମିନ ଖାରଜ ହେବା ପରେ ଅଭିଯୁକ୍ତକୁ ସୁନ୍ଦରଗଡ଼ ଜେଲକୁ ପଠାଯାଇଛି । ଏହା ପୂର୍ବରୁ ମାମଲାର ମୁଖ୍ୟ ଅଭିଯୁକ୍ତ, ଥାନା ଅଧିକାରୀ ଅନନ୍ଦ ମାଝି ଏବଂ ଗର୍ଭପାତ କରାଇଥିବା ଡାକ୍ତର ଦେବାଶିଷ ଘୋଷଙ୍କ ଜାମିନ ଖାରଜ ହେବା ପରେ ଉଭୟଙ୍କୁ ଜେଲ ପଠାଯାଇଛି ।
ସୂଚନାଯୋ
ଗ୍ୟ, ବିରମିତ୍ରପୁର ଥାନାର ପୂର୍ବତନ ବଡ଼ ବାବୁ ନାବାଳିକାଙ୍କୁ ସହ ଦୁଷ୍କର୍ମ କରିଥିଲେ । ତାଙ୍କୁ ସହ ଅନ୍ୟ ସହଯୋଗୀ ମାନେ ମଧ୍ୟ ଏହି ଦୁଷ୍କର୍ମ ଘଟଣାରେ ସମ୍ପୃକ୍ତ ଥିଲେ । ବିଭିନ୍ ପ୍ରକାର ପ୍ରଲୋଭନ ଦେଖାଇ ଏବଂ ଡରାଇ ଧମକାଇ ନାବାଳିକାଙ୍କ ସହ ବାରମ୍ବାର ଜୋର ଜବରଦସ୍ତ ଥିନାବାବୁ ଦୁଷ୍କର୍ମ କରିଥିଲେ । ଫଳରେ ନାବାଳିକା ଜଣକ ଗର୍ଭବତୀ ହେବା ପରେ ତାଙ୍କର ଗର୍ଭପାତ କରାଇଥିଲେ । ସ୍ଥାନୀୟ ସିଡବ୍ଲୁସିଙ୍କୁ ନଜଣାଇ ଜଣେ ଡାକ୍ତର ନାବାଳିକାଙ୍କ ଗର୍ଭପାତ କରିଥିବାରୁ ତାଙ୍କୁ ମଧ୍ୟ ପୂର୍ବରୁ ଗିରଫ କରିସାରିଛି ପୋଲିସ ।
ତେବେ ଏହି ଘଟଣା ନେଇ ନାବାଳିକା ଜଣକ ଥାନାରେ ଅଭିଯୋଗ କରିବା ପରେ ସ୍ଥାନୀୟ ସିଡବ୍ଲୁସି ଘଟଣାର ତଦନ୍ତ ପାଇଁ ଏବଂ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଚିଠି ଲେଖିଥିଲେ । ଏସ୍ପି ନିଜେ ଏହି ଘଟଣାର ତଦନ୍ତ କରୁଥିଲେ ।
ନାବାଳିକାକୁ ବିଭିନ୍ନ ସମୟରେ ଦୁଷ୍କର୍ମ କରୁଥିଲେ, ଗର୍ଭବତୀ ହେବା ଜାଣି ଗର୍ଭପାତ କରାଇଲେ ଥାନାବାବୁ !
