ମଣ୍ଡିକୁ ଆସୁନି ମିଲରଙ୍କ ଗାଡ଼ି, ଧାନ ରଖି ଚାଷୀଙ୍କ ରାସ୍ତା ଅବରୋଧ

ବିଞ୍ଝାରବୁର : ମଣ୍ଡିକୁ ଆସୁନି ମିଲରଙ୍କ ଗାଡ଼ି । ପ୍ରତିବାଦରେ ଧାନ ରଖି ଚାଷୀଙ୍କ ରାସ୍ତା ଅବରୋଧ । ଲାପ୍ସ ହେବାକୁ ବସିଲାଣି ଟୋକନ । ମଙ୍ଗଳପୁର-ନାରୀଗାଁ ରାସ୍ତା ଅବରୋଧ କଲେ ଚାଷୀ । ଯାଜପୁର ଜିଲ୍ଲା ଦଶରଥପୁର ବ୍ଲକ ପାଲଟପୁର ସମବାୟ ସମିତି ଏବଂ ମହିଳା ସ୍ୱୟଂ ସହାୟକ ଗୋଷ୍ଠୀ ବିଶ୍ୱ ମାଆ ତାରିଣୀ ମଣ୍ଡିକୁ ଆସୁନାହାନ୍ତି ମିଲର । ପାଖାପାଖି ୫ ଦିନ ହେଲା ମଣ୍ଡିରେ ପଡ଼ିରହିଛି ହଜାର ହଜାର କ୍ୟୁଣ୍ଟାଲ ଧାନ । ଷଣ୍ଢ, ଗୋରୁଗାଈଙ୍କ ସୁରକ୍ଷା ଦେବାକୁ ରାତି ରାତି ଅନିଦ୍ରା ହୋଇ ନିଜ ଧାନକୁ ଜଗୁଛନ୍ତି ଚାଷୀ । ଅନ୍ୟାପଟେ ଧାନ ଉଠିବା ବିଳମ୍ବ ଫଳରେ ଟୋକେନ ଲାପ୍ସ କରିବାର ସମ୍ଭାବନା ରହିଛି । ଯାହାକୁ ପ୍ରତିବାଦ କରି ଆଜି ଏହି ଅଂଚଳର ଶତାଧିକ ଚାଷୀ ନିଜ ଧାନଙ୍କୁ ରାସ୍ତା ଉପରେ ରଖି ରାସ୍ତା ଅବରୋଧ କରିଛନ୍ତି । ଯଦି ତୁରନ୍ତ ସରକାର ମଣ୍ଡିରୁ ଧାନ ନଉଠାନ୍ତି ତେବେ ଆଗାମୀ ଦିନରେ ଆନ୍ଦୋଳନ ତୀବ୍ରତର ହେବ ବୋଲି ଚାଷୀମାନେ ଚେତାବନୀ ଦେଇଛନ୍ତି ।