ପାଟଣା: ବିହାର କଂଗ୍ରେସର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ସଦାନନ୍ଦ ସିଂହଙ୍କ ପରଲୋକ ଘଟିଛି। ସେ ଦୀର୍ଘଦିନ ଧରି ଅସୁସ୍ଥ ଥିଲେ। ପାଟନାସ୍ଥିତ କ୍ୟୁରିସ୍ ହସ୍ପିଟାଲରେ ତାଙ୍କର ମୃତ୍ୟୁ ହୋଇଛି। ସଦାନନ୍ଦ ସିଂହ ବିହାର କଂଗ୍ରେସର ସବୁଠୁ ବରିଷ୍ଠ ନେତା ଥିଲେ । ବିହାର ବାଘଲପୁରରୁ ସେ ୯ଥର ବିଧାୟକ ହୋଇଥିଲେ ।
ସଦାନନ୍ଦ ୨୦୦୦ରୁ ୨୦୦୫ ପର୍ଯ୍ୟନ୍ତ ସେ ବିହାର ବିଧାନସଭା ବାଚସ୍ପତି ରହିଥିଲେ। ୧୦ବର୍ଷ ଧରି ସେ ବିହାର କଂଗ୍ରେସ ବିଧାୟକ ଦଳର ନେତା ମଧ୍ୟ ରହିଥିଲେ। ସଦାନନ୍ଦଙ୍କ ମୃତ୍ୟୁରେ ବିହାର କଂଗ୍ରେସ ସମେତ ଅନ୍ୟ ଦଳର ନେତାମାନେ ଗଭୀର ଶୋକବ୍ୟକ୍ତ କରିଛନ୍ତି। ବିହାର କଂଗ୍ରେସ ମୁଖ୍ୟ ମଦନ ମୋହନ ଝା, ବିହାରର ପୁର୍ବତନ ମୁଖ୍ୟମନ୍ତ୍ରୀ ଜୀତନ ରାମ ମାଞ୍ଝି, ଆରଜେଡି ନେତା ତେଜସ୍ୱୀ ଯାଦବ ପ୍ରମୁଖ ଶୋକ ବ୍ୟକ୍ତ କରିଛନ୍ତି।
