ବିଗ ବସ ୧୪ର ତାଲିକା ଜାରି,ଏହି ୯ ସେଲିବ୍ରିଟି ଆସିବେ ନଜର !

ମୁମ୍ବାଇ: ବିଗ୍ ବସ୍ ୧୪କୁ ନେଇ ଆଜିକାଲି ବହୁତ ଚର୍ଚ୍ଚା ଦେଖିବାକୁ ମିଳୁଛି । ଶୋକୁ ନେଇ ପ୍ରତିଦିନ କିଛି ନା କିଛି ଅପଡେଟ୍ ଆସୁଛି । କେଉଁ ସବୁ ତାରକା ଏଥର ଶୋ’ରେ ପ୍ରବେଶ କରିବେ ଏସବୁକୁ ନେଇ ମଧ୍ୟ ଅନେକ ନାମ ଶୁଣିବାକୁ ମିଳୁଛି । ତଥାପି, ଏପର୍ଯ୍ୟନ୍ତ କାହାର ନାମ ଅଫିସିଆଲ ଭାବେ ଘୋଷଣା କରାଯାଇନାହିଁ । ଆସନ୍ତୁ ଜାଣିବା କେଉଁ ତାରକାଙ୍କ ନାମ ବିଗ୍ ବସ୍ ୧୪ ହାଉସରେ ପ୍ରବେଶ ନେଇ ଆଲୋଚନା ଚାଲୁଛି….

୧-ଜୟ ସୋନି

ଶଶୁରାଲ ଗେଣ୍ଡା ଫୁଲ ଧାରାବାହିକର ମୁଖ୍ୟ ଅଭିନେତା ଜୟ ସୋନି ଏଥର ଶୋ’ରେ ଏଣ୍ଟ୍ରି କରିବେ ବୋଲି ସୂଚନା ମିଳିଛି  । ଜୟ ସୋନି ଟିଭି ଇଣ୍ଡଷ୍ଟ୍ରିର ଏକ ଉଜ୍ଜ୍ୱଳ ତାରକା  ।

୨- ନିଆ ଶର୍ମା

ନିଆ ଶର୍ମା ବର୍ତ୍ତମାନ ଏକତା କପୁରଙ୍କ ସିରିଏଲ ନାଗିନ୍ ରେ ନଜର ଆସୁଛନ୍ତି | ଏହି ଶୋ ଶୀଘ୍ର ବନ୍ଦ ହେବାକୁ ଯାଉଛି । ଯଦି ନିଆ ଶର୍ମା ଏଥର ବିଗ୍ ବସ୍ ରେ ପ୍ରବେଶ କରନ୍ତି, ତେବେ ଏହା ପ୍ରଶଂସକଙ୍କ ପାଇଁ କମ୍ ଖୁସିର କଥା ନୁହେଁ ।

୩-ଅବିନାଶ ମୁଖାର୍ଜୀ

ଅବିନାଶ ମୁଖାର୍ଜୀ ପ୍ରଶଂସକଙ୍କ ଆଗରେ ଜଗିଆ ନାମରେ ବେଶ୍ ଜଣାଶୁଣା | ତାଙ୍କୁ ଶୋ ’ବାଲିକା ବଧୂ’ରେ ଦେଖିବାକୁ ମିଳିଥିଲା । ଏହି ଶୋ’ରୁ ତାଙ୍କୁ ବହୁତ ଭଲ ପାଇବା ମିଳିଥିଲା ​​| ଯଦି ଅବିନାଶ ବିଗ୍ ବସ୍ ରେ ଆସନ୍ତି, ତେବେ ସେ ସେଠାରେ ମଧ୍ୟ ପ୍ରଶଂସକଙ୍କ ଅପାର ପ୍ରେମ ପାଇବେ ।

୪- ଶିରିନ୍ ମିର୍ଜା

ଶିରିନ୍ ମିର୍ଜା ସିମି ଭଲ୍ଲା ନାମରେ ବେଶ୍ ପରିଚିତ । ତାଙ୍କୁ ଏକତା କପୁରଙ୍କ ଶୋ ‘ୟେ ହେ ମୋହାବତେଁ’ ରେ ଦେଖିବାକୁ ମିଳିଥିଲା ​​। ଏହି ଶୋ’ରେ ସେ କରନ୍ ପଟେଲଙ୍କ ସାନ ଭଉଣୀ ହୋଇଥିଲେ । ତାଙ୍କର ନକରାତ୍ମକ ଏବଂ ସକରାତ୍ମକ ଉଭୟ ଅଭିନୟ ଏହି ଶୋ’ରେ ଦେଖିବାକୁ ମିଳିଥିଲା ​​ । ଶୋ’ରେ ତାଙ୍କୁ ଦେଖାଯିବା ଖବରକୁ ନେଇ ବିଗ୍ ବସ୍ ପ୍ରଶଂସକମାନେ ଉତ୍ସାହିତ ଅଛନ୍ତି ।

୫-ନିଖିଲ ଚିନପା

ନିଖିଲ ଚିନପାଙ୍କୁ ଦର୍ଶକ ରିଆଲିଟି ସୋ ଜଜ୍ କରୁଥିବା ଦେଖିଥିବେ । ରିଆଲିଟି ସୋ ସହିତ ନିଖିଲଙ୍କର ଏକ ପୁରୁଣା ସମ୍ପର୍କ ଅଛି । ଏବେ ଦେଖିବା ବାକି ଅଛି ଯଦି ସେ ବିଗ ବସ ୧୪କୁ ଆସିବେ ତେବେ କ’ଣ ଧମାଲ୍ କରୁଛନ୍ତି ।

୬-ବିବିୟନ୍ ଡିସେନା

ବିବିୟନ୍ ଡିସେନା ମଧୁବାଲା, ପ୍ୟାର୍ କି ୟେ ଏକ କାହାନି, ତେରେ ଇସ୍କ ମେଁ ମରଯାୱାଁ ଭଳି ଅନେକ ହିଟ୍ ସୋ’ରେ ଅଭିନୟ କରିଛନ୍ତି । ବିଗ୍ ବସରେ ବିବିୟନଙ୍କ ଏଣ୍ଟ୍ରି  ନେଇ ଚାରିଆଡେ ଚର୍ଚ୍ଚା ଚାଲିଛି ।

୭-ଶୁଭାଙ୍ଗୀ ଅତ୍ରେ
ଶୁଭାଙ୍ଗୀଙ୍କୁ ଦର୍ଶକ ଭାବିଜୀ ଘର୍ ପର୍ ହେଁରେ ଦେଖିବାକୁ ପାଉଛନ୍ତି | ବିଗ୍ ବସ୍ କୁ ଶୁଭାଙ୍ଗି ଆସିବା ବିଷୟରେ କ୍ରମାଗତ ଖବର ଆସୁଛି | ତେବେ ଅଭିନେତ୍ରୀ ବିଗ୍ ବସ୍ ଯିବାକୁ ମନା କରିଦେଇଥିଲେ । ଅଭିନେତ୍ରୀ କହିଛନ୍ତି- ‘ହଁ, ମୋତେ ବିଗ୍ ବସ୍ ୧୪  ପାଇଁ କଲ୍ ଆସିଥିଲା କିନ୍ତୁ ବର୍ତ୍ତମାନ ମୁଁ  ଭାବିଜୀ ଘର୍ ପର୍ ହେଁ ଶୋ କରୁଛି ଏବଂ ମୋ ପାଇଁ ମୋ ସିରିଏଲ ପ୍ରଥମ, ତେଣୁ ବିଗ୍ ବସକୁ ଯିବାର କୌଣସି ପ୍ରଶ୍ନ ଉଠୁନାହିଁ ।

ଏବେ ଦେଖିବା ବାକି ଅଛି ଯେ ଶୁଭାଙ୍ଗୀ ଶୋ’ରେ ଅଂଶଗ୍ରହଣ କରିବେ କି ନାହିଁ, କାରଣ ଏହା ପୂର୍ବରୁ ଏମିତି ଦେଖାଦେଇଛି ଯେ, ଷ୍ଟାରମାନେ ଶେଷ ପର୍ଯ୍ୟନ୍ତ ଶୋ’ରେ ପ୍ରବେଶକୁ ଅସ୍ୱୀକାର କରନ୍ତି ଏବଂ ପରେ ପ୍ରଶଂସକଙ୍କୁ ସରପ୍ରାଇଜ ଦିଅନ୍ତି  ।

୮-ମିସାଲ୍ ରହେଜା

ଶୋ କୁମକୁମ୍ ଭାଗ୍ୟରେ ଅଭିନୟ କରିଥିବା ମିସାଲ୍ ରହେଜା ଏଥର ବିଗ୍ ବସ୍ ରେ ପ୍ରବେଶ କରିବାର ଖବର ରହିଛି । କିନ୍ତୁ ଏହା ବାସ୍ତବ ନା ଗୁଜବ ଜାଣିବା ବାକି ରହିଛି ।

୯-ସୁଗନ୍ଧା ମିଶ୍ର

ହାସ୍ୟ ଅଭିନେତ୍ରୀ ସୁଗନ୍ଧା ମିଶ୍ର ମଧ୍ୟ ବିଗ୍ ବସ୍ ଆସିବା ନେଇ ଚର୍ଚ୍ଚାରେ ଅଛନ୍ତି। ଯଦି ସୁଗନ୍ଧା ମିଶ୍ରଙ୍କୁ ଶୋ’ରେ ଦେଖିବାକୁ ମିଳେ ତେବେ ଶୋରେ ଡବଲ୍ ଧମାଲ୍ ଦେଖିବାକୁ ମିଳିବ|