ରାଜଧାନୀରେ ଭସାଣ ସମୟରେ ବୁଲିଲା ଖଣ୍ଡା

ଭୁବନେଶ୍ବର: ଭସାଣ ସମୟରେ ରାଜଧାନୀରେ ବୁଲିଲା ଖଣ୍ଡା । ଶୋଭାଯାତ୍ରା ବେଳେ ରସୁଲଗଡ଼ରେ ଗୋଷ୍ଠୀ ସଂଘର୍ଷ । ଭସାଣକୁ ନେଇ ମୁହାଁମୁହିଁ ହେଲେ ଦୁଇ ଗୋଷ୍ଠୀ । ଉଭୟ ପକ୍ଷର ଆକ୍ରମଣରେ ୩ ଜଣ ଆହତ ହୋଇଛନ୍ତି । ଏକ ଜିମ୍ ମାମଲାକୁ ନେଇ ପୂର୍ବ ଶତ୍ରୁତାରୁ ଗଣ୍ଡଗୋଳ ହୋଇଥିବା ସୂଚନା ମିଳିଛି । ଶୋଭାଯାତ୍ରା ସମୟରେ କିଛି ଯୁବକ ଅନ୍ୟଏକ ଗୋଷ୍ଠୀ ଉପରେ ଆକ୍ରମଣ କରିଥିଲେ । ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଅଭିଯୁକ୍ତଙ୍କୁ ଗିରଫ ଦାବି କରିଛନ୍ତି ଅନ୍ୟ ଗୋଷ୍ଠୀ  । ପ୍ରୀତି ବଳିୟାର ସିଂ, ସିପୁ ସାମନ୍ତରାୟ ଓ ଲିପୁ ନାମକ ବ୍ୟକ୍ତି ଆକ୍ରମଣ କରିଥିବା ଅଭିଯୋଗ ହୋଇଛି  । ଉତ୍ତ୍ୟକ୍ତ ଲୋକଙ୍କୁ ପୋଲିସ ବୁଝାସୁଝା କରୁଛି ।