ବ୍ରହ୍ମପୁର ମୁକୁଳା ଡ୍ରେନରେ ଭାସିଯାଇ ଶିଶୁ ମୃତ୍ୟୁ ମାମଲା: ସହକାରୀ ଯନ୍ତ୍ରୀଙ୍କୁ କାରଣ ଦର୍ଶାଅ ନୋଟିସ୍
ବ୍ରହ୍ମପୁର ମୁକୁଳା ଡ୍ରେନରେ ଭାସିଯାଇ ଶିଶୁ ମୃତ୍ୟୁ ମାମଲା । ସହକାରୀ ଯନ୍ତ୍ରୀ ମିଥିଲେଶ ରଥଙ୍କୁ କାରଣ ଦର୍ଶାଅ ନୋଟିସ୍ ଜାରିକଲା ବ୍ରହ୍ମପୁର ମହାନଗର ନିଗମ। ମୁକୁଳା ଡ୍ରେନ ଚାରିପାଖରେ ବ୍ୟାରିକେଡ ନିର୍ମାଣ, ସତର୍କ ସୂଚନା ଫଳକ ଲଗାଇବା ପାଇଁ ଜୁନ୍ ୨୪ ତାରିଖରେ ନିର୍ଦେଶ ଦିଆଯାଇଥିଲା। କିନ୍ତୁ ନିର୍ଦେଶ କାର୍ଯ୍ୟକାରୀ କରାଯାଇନଥିଲା । ଯାହା ଫଳରେ ଜଣେ ଶିଶୁଙ୍କ ଜୀବନ ଚାଲିଗଲା। ଏଣୁ ୪୮ ଘଣ୍ଟା ଭିତରେ କାରଣ ଦର୍ଶାଅ ନୋଟିସ୍ର ଜବାବ ଦେବାକୁ ନିର୍ଦେଶ ଦିଆଯାଇଛି। ଅଘଟଣରେ ପାଣହରାଇଥିବା ଶିଶୁ ଜଣକ ହେଲେ ବଡ଼ ବଜାର ଥାନା ଲକ୍ଷ୍ମୀ ନୃସିଂହ ସାହିର ସାଇରାମ ପାତ୍ର। ସଂଧ୍ଯାରେ ସେ ସାଇକଲରେ ଆସୁଥିବା ବେଳେ ରାସ୍ତା କଡ଼ ନାଳରେ ପଡ଼ି ଯାଇ ଭାସି ଯାଇଥଇଲେ । ବହୁ ସମୟ ପରେ ପାଣିରୁ ମୃତଦେହ ଉଦ୍ଧାର କରାଯାଇଥିଲା ।
