ବ୍ରହ୍ମପୁରରେ ଆଇପିଏଲ୍ ବେଟିଂ, ଗ୍ୟାଙ୍ଗ ମୁଖ୍ୟଙ୍କ ସହ ବନ୍ଧାହେଲେ ୫ ଜଣ

ବ୍ରହ୍ମପୁର: ବ୍ରହ୍ମପୁରରେ ଚାଲିଥିଲା ଆଇପିଏଲ ବେଟିଂ । ବେଟିଂରେ ସମ୍ପୃକ୍ତ ୫ ଜଣଙ୍କୁ ଗିରଫ କରିଛି ପୋଲିସ । ଗିରଫ ବ୍ୟକ୍ତିଙ୍କଠାରୁ ନଗଦ ସାଢ଼େ ୪ ଲକ୍ଷ ଟଙ୍କା ଓ ସୁନା ଗହଣା ଜବତ କରାଯାଇଛି । ଏହା ଛଡ଼ା ୯ଟି ମୋବାଇଲ ଫୋନ୍, ଗୋଟିଏ କାର୍ ବି ଜବତ କରିଛି ପୋଲିସ । ଆଇପିଏଲ୍ ବେଟିଂ ରାକେଟ ବାବଦରେ ବିଶ୍ୱସ୍ତ ସୂତ୍ରରୁ ସୂଚନା ପାଇ ରେଡ୍ କରିଛିଲା ପୋଲିସ ।

ଗିରଫ ବ୍ୟକ୍ତିମାନେ ହେଲେ ଦୀପୁ ନାହାକ, କିଟୁ ରାଉତ, ଅଶ୍ୱିନୀ କୁମାର ପାତ୍ର, ପ୍ରଶାନ୍ତ କୁମାର ସାହୁ ଓ ଗୋପୀନାଥ ମହାରଣା । ଦୀପୁ ନାହାକ ଏହି ବେଟିଂ ଗ୍ୟାଙ୍ଗର ମୁଖିଆ ବୋଲି ପୋଲିସ କହିଛି । ବିଭିନ୍ନ ୱେବସାଇଟ୍ ଜରିଆରେ ଅଭିଯୁକ୍ତମାନେ ବେଟିଂରେ ସମ୍ପୃକ୍ତ ଥିଲେ । ଗିରଫ ହୋଇଥିବା ବ୍ୟକ୍ତିମାନେ ବ୍ରହ୍ମପୁର ଆଖପାଖ ଅଞ୍ଚଳର ବାସିନ୍ଦା ।