ପଶ୍ଚିମବଙ୍ଗରେ ନିର୍ବାଚନୀ ହିଂସାକୁ ନେଇ ଚିନ୍ତାପ୍ରକଟ କଲେ ମୋଦି: ରାଜ୍ୟପାଳଙ୍କୁ କଲେ ଫୋନ୍

1 min read

ନୂଆଦିଲ୍ଲୀ: ପଶ୍ଚିମବଙ୍ଗରେ ବିଧାନସଭା ନିର୍ବାଚଳ ଫଳାଫଳ ଆସିବା ପରେ ହିଂସା ଜାରି ରହିଛି । ରାଜ୍ୟର ଅନେକ ସ୍ଥାନରେ ଭଙ୍ଗାରୁଜା କରିବା ସହ ହିଂସା ହେଉଥିବାର ଦେକିବାକୁ ମିଳିଛି । ତେବେ ଏନେ ଚିନ୍ତା ପ୍ରକଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେ ଏ ସମ୍ପର୍କରେ ପଶ୍ଚିମବଙ୍ଗର ରାଜ୍ୟପାଳ ଜଗଦିପ ଧନଖଡ଼ଙ୍କ ସହ କଥା ହୋଇଛନ୍ତି।

ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନକର ମଙ୍ଗଳବାର ଅପରାହ୍ନରେ ଟୁଇଟ୍ କରି ଏ ସମ୍ପର୍କରେ ସୂଚନା ଦେଇଛନ୍ତି। ସେ ଲେଖିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଫୋନରେ କଥା ହୋଇ ବଙ୍ଗଳା ହିଂସାକୁ ନେଇ ଚିନ୍ତାପ୍ରକଟ କରିଛନ୍ତି।

ଆପଣଙ୍କୁ କହି ରଖୁଛୁ ଯେ ଆସନ୍ତା ୨ ତାରିଖ ରବିବାର ଦିନ ପଶ୍ଚିମବଙ୍ଗରେ ନିର୍ବାଚନର ଫଳାଫଳ ଘୋଷଣା କରାଯାଇଛି, ଏହା ପରେ ରାଜ୍ୟର ବିଭିନ୍ନ ସ୍ଥାନରେ ହିଂସା ଦେଖିବାକୁ ମିଳୁଛି। ପଶ୍ଚିମବଙ୍ଗର ଅନେକ ଜିଲ୍ଲାରେ ଭଙ୍ଗାରୁଜା, ଅଗ୍ନିକାଣ୍ଡ, ଲୁଟ୍, ବଳାତ୍କାର ଓ ହତ୍ୟା ଅଭିଯୋଗ ଆସିଛି।

ବିଜେପି ଅଭିଯୋଗ କରିଛି ଯେ ନିର୍ବାଚ ଫଳ ପ୍ରକାଶ ପାଇବା ପରେ ନନ୍ଦିଗ୍ରାମ, କୋଲକାତା, ଆସନସୋଲ ପ୍ରଭୃତି ସ୍ଥାନରେ ତାଙ୍କ ସମର୍ଥକଙ୍କ ଦୋକାନରେ ଲୁଟ କରାଯାଇଛି, ଘରେ ନିଆଁ ଲଗାଇଦିଆଯାଇଛି। କେବଳ ଏତିକି ନୁହେଁ ମହିଳା ସମର୍ଥଙ୍କ ସହ ଦୁଷ୍କର୍ମ ମଧ୍ୟ କରାଯାଇଛି। ଏହାବ୍ୟତୀତ କିଛି ବିଜେପି କର୍ମୀଙ୍କ ହତ୍ୟା ବି କରାଯାଇଛି ବୋଲି ବିଜେପି ଅଭିଯୋଗ କରିଛି। ଅନ୍ୟପଟେ ଟିଏମସି ମଧ୍ୟ ଅଭିଯୋଗ କରିଛି ଯେ ତାଙ୍କ ଦଳର କର୍ମୀମାନଙ୍କୁ ତ୍ରିନାଥ କଂଗ୍ରେସ ମଧ୍ୟ ଟାର୍ଗେଟ କରାଯାଇଛି ଏବଂ ସେମାନଙ୍କ କାର୍ଯ୍ୟାଳୟରେ ଭଙ୍ଗାରୁଜା କରାଯାଇଛି ।

ତେବେ ପଶ୍ଚିବଙ୍ଗରେ ଚାଲିଥିବା ଏହି ହିଂସା ମଧ୍ୟରେ ଭାରତୀୟ ଜନତା ପାର୍ଟି ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ସମାରୋହକୁ ସ୍ଥଗିତ ରଖିବାକୁ ଦାବି କରିଛି। ବିଜେପି ନେତା ରାହୁଲ ସିହ୍ନା କହିଛନ୍ତି ଯେ ହିଂସା ବନ୍ଦ ନହେବା ପର୍ଯ୍ୟନ୍ତ ଶପଥ ଗ୍ରହଣ ସମାରୋହ ଅନୁଷ୍ଠିତ ନ କରିବାକୁ ବିଜେପି ରାଜ୍ୟପାଳ ଓ ନିର୍ବାଚନ ଆୟୋଗଙ୍କ ନିକଟରେ ଦାବି କରିଛି।

Opn Commnet Area

Leave a Reply

Your email address will not be published. Required fields are marked *

Close Bitnami banner