ୟୁଜର୍ସଙ୍କୁ ପସନ୍ଦ ଆସୁଛି Battlegrounds Mobile, ୫୦ ଲକ୍ଷରୁ ଅଧିକ ଡାଉନଲୋଡ
1 min read
ନୂଆଦିଲ୍ଲୀ: Battlegrounds Mobile India ସାରା ଦେଶରେ ଲଞ୍ଚ ହୋଇଛି । ଏହାର ଅର୍ଲି ଭର୍ସନକୁ ପାଖାପାଖି ୫୦ ଲକ୍ଷରୁ ଅଧିକ ଲୋକ ଡାଉନଲାଉଡ୍ ମଧ୍ୟ କରିସାରିଲେଣି । ଏସମ୍ପର୍କରେ ଗେମ୍ ଡେଭଲପର କ୍ରାଫଟନ୍ ପକ୍ଷରୁ ଇନ୍-ଗେମ୍ ନୋଟିଫିକେସନ୍ ଜରିଆରେ ସୂଚନା ଦିଆଯାଇଛି ।
ଏହି ଗେମକୁ ଓପନ୍ ବିଟା ଟେଷ୍ଟର ଲାଗି ଜୁନ୍ ୧୭ ତାରିଖରେ ଲଞ୍ଚ କରାଇଥିଲା । ଏହା ପରେ ୧୮ ତାରିଖରେ ଅର୍ଲି ଭର୍ସନକୁ ଲଞ୍ଚ କରାଯାଇଥିଲା । ଗତବର୍ଷ ଭାରତରେ ବ୍ୟାନ୍ ହୋଇଥିବା ପବଜି ମୋବାଇଲର ଭାରତୀୟ ଭର୍ସନ ହେଉଛି Battlegrounds Mobile India ।
କ୍ରାଫଟନ୍ ପକ୍ଷରୁ ଏହାର ୟୁଜର୍ସ ମାନଙ୍କ ପାଇଁ ଏକ କ୍ଲାସିକ୍ କ୍ରେଟ୍ କୁପନ ରଖାଯାଇଛି । ଗେମ୍ ୫ ମିଲିୟନ୍ ଡାଉନଲୋଡ୍ ହେବା ପରେ ଏହାକୁ ରିୱାର୍ଡ ପରି ଦିଆଯାଉଛି । ଏହାକୁ ନେଇ ଇନ୍-ଗେମ୍ ନୋଟିଫିକେସନ୍ ୟୁଜର୍ସଙ୍କୁ ଦିଆଯାଉଛି । ଏହି କୁପନକୁ ବ୍ୟବହାର କରି କ୍ଲାସିକ୍ କ୍ରେଟକୁ ଓପନ୍ କରିବା ସହ ରେଣ୍ଡମ୍ ରିୱାର୍ଡ ନେଇପାରିବେ ୟୁଜର୍ସ ।
ଆହୁରି ମଧ୍ୟ ଯେଉଁ ୟୁଜର୍ସ ମାନେ ଅର୍ଲି ଏକ୍ସେସ୍ ଫେଜକୁ ଜଏନ୍ କରିଛନ୍ତି ସେମାନଙ୍କୁ ଏକ ସପ୍ଲାଇ କ୍ରେଟ୍ କୁପନ୍, ଦୁଇଟି EXP Cards ଓ ଏକ 2x BP Card ଦିଆଯାଉଛି ।
