ପୂର୍ବ ଶତ୍ରୁତାକୁ କେନ୍ଦ୍ରକରି ଦୁଇ ଗୋଷ୍ଠୀ ମୁହାଁମୁହିଁ, ଜଣେ ମୃତ

ବାରିପଦା: ପୂର୍ବ ଶତ୍ରୁତାକୁ କେନ୍ଦ୍ରକରି ଦୁଇ ଗୋଷ୍ଠୀ ମୁହାଁମୁହିଁ । ଜଣେ ମୃତ ଜଣେ ଆହତ । ମୃତ ଯୁବକ ହେଲେ ରାମ ମୁଖୀ । ସାମାନ୍ୟ ବଚସାରୁ ଭୁଜାଲିରେ ହାଣି ଯୁବକକୁ ହତ୍ୟା । ବାରିପଦା ଥାନା ଶୁନଗଡିଆ ମହୁଲି ଭାଟିରେ ଘଟିଛି ହତ୍ୟାକାଣ୍ଡ । ମୃତ ଯୁବକଙ୍କ ପରିବାର ପୋଲିସକୁ ଦାୟୀ କରୁଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ଗଣ୍ଡଗୋଳକୁ ନିୟନ୍ତ୍ରଣ କରିଥିଲା । ଆହତ ଦୀପୁ ମୁଖୀଙ୍କ ଡାକ୍ତରଖାନାରେ ଚାଲିଛି ଚିକିତ୍ସା। ଦୀପୁ ମୁଖୀ ହସ୍ପିଟାଲ ନିକଟରେ ଥିବା ନଦୀକୁ ଗାଧୋଇବାକୁ ଆସିଥିବା ବେଳେ ନିଜର ପର୍ସଟିକୁ ଛାଡି ପଳାଇଥିଲେ । ପର୍ସଟିକୁ ଅନ୍ୟ ଗୋଷ୍ଠୀର କେହି ପାଇଥିବାକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ମାରପିଟ୍ ହୋଇଥିଲା । ଏ ସମ୍ପର୍କରେ ଟାଉନଥାନା ରେ ଦୁଇଟି ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଚଳାଇଛି । ସେଖ ସମସେଦକୁ ଟାଉନ ପୋଲିସ ଅଟକ ରଖି ତଦନ୍ତ କରୁଛି। ମୃତକ ସମ୍ପର୍କୀୟ ମାନେ ଥାନା ଭିତରକୁ ଧସେଇ ପଶିବାକୁ ଉଦ୍ୟମ କରୁଥିବାରୁ କିଛି ସମୟ ପାଇଁ ଟାଉନଥାନା ସମ୍ମୁଖରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା ।