ଅଚାନକ କଳାପାଣି ମାର୍କେଟ ୟାର୍ଡ ପରିଦର୍ଶନ କଲେ ବରଗଡ଼ ଜିଲ୍ଲାପାଳ

ବରଗଡ଼: ବିଗତ ଦୁଇ ଦିନ ହେବ ବରଗଡ଼ ଜିଲ୍ଲାରେ ମେଘୁଆ ପାଗ କରିବା ସହ ବିଭିନ୍ନ ଜାଗାରେ ଅଳ୍ପ ବର୍ଷା ହୋଇଥିଲା । ଏବେ ଜିଲ୍ଲାର ସବୁ ମାର୍କେଟ ୟାର୍ଡରେ ଧାନ ସଂଗ୍ରହ ଚାଲିଛି, ଆଜି ବରଗଡ଼ ଜିଲ୍ଲାପାଳ ମନିଷା ବାନାର୍ଜୀ କଳାପାଣି ମାର୍କେଟ ୟାର୍ଡକୁ ଅଚାନକ ପରିଦର୍ଶନ କରିଥିଲେ । ବର୍ଷାରୁ ରକ୍ଷା କରିବା ପାଇଁ ତାର୍ପୋଲିନ ରଖାଯାଇଥିଲା । ଚାରିଟା କଭର ସେଡ, ସହ ତିନୋଟି ଗୋଦାମ ଘରରେ ଧାନ ରଖିବା ବ୍ୟବସ୍ଥା, ଚାରୋଟି ପିଣ୍ଡିର ବ୍ୟବସ୍ଥା ଥିବାର ଦେଖି ସନ୍ତୋଷ ପ୍ରକାଶ କରିଥିଲେ ଜିଲ୍ଲାପାଳ ।

ଚାଷୀ ଭାଇ ମାନଙ୍କ ପାଇଁ ପାଇବା ପାଣି ସହ ଅନ୍ୟାନ୍ୟ ସୁବିଧା କରାଯାଇଛି, ଚାରିଆଡ଼େ ଆଲୋକର ବ୍ୟବସ୍ଥା, ରାତିରେ ଚାରିଜଣ ରାତ୍ରୀ ଜଗୁଆଳି ଧାନ ସବୁ ଜଗି ରହୁଛନ୍ତି । ଚାରିଟା ସିସି କେମେରା ଲାଗିଛି । ଧାନ ସଂଗ୍ରହରେ କୌଣସି ପ୍ରକାର ଅସୁବିଧା ହେବନି  କି ଚାଷୀ ଭାଇଙ୍କ ଧାନ ଯେମିତି ନଷ୍ଟ ନ ହେବ ସେଥିପ୍ରତି ସବୁ କ୍ଷେତ୍ରରେ  ଦୃଷ୍ଟି ଦିଆଯାଉଛି ବୋଲି ଜିଲ୍ଲାପାଳ ମନିଷା ବାନାର୍ଜୀ କହିଛନ୍ତି । କିଛି ଚାଷୀ ଭାଇଙ୍କ ଟୋକନ ଆସି ନ ଥିବାରୁ ବିଳମ୍ବ ହୋଉଛି ବୋଲି ଅଭିଯୋଗ କରିଥିଲେ ।

ସେମାନଙ୍କ ଅଲଗା ଲିଷ୍ଟ କରି ଧାନ ସଂଗ୍ରହ କରିବାକୁ କଳାପାଣି ମାର୍କେଟ ୟାର୍ଡ ଅଧିକାରୀ ଭାଗରଥି ସାହୁଙ୍କୁ ନିର୍ଦ୍ଦେଶ ଦେଇଥିଲେ । ଚାରିଆଡ଼େ ମେଘ ଢାଙ୍କି ଥିବାରୁ ବର୍ଷା ହେଲେ ଧାନ ସବୁ ଭିଜି ଯିବ ବୋଲି କିଛି ଚାଷୀ ଅଭିଯୋଗ କରିଥିଲେ । ଚାଷୀ ଭାଇ ମାନଙ୍କ କୌଣସି ପ୍ରକାର କ୍ଷତି ହେବାକୁ ଦିଆ ଯିବନି ସେଥି ପାଇ ଜିଲ୍ଲା ପ୍ରଶାସନ ସବୁ ମାର୍କେଟ ୟାର୍ଡରେ ସବୁ ପ୍ରକାରର ବ୍ୟବସ୍ଥା କରାଯାଇଛି ବୋଲି ଜିଲ୍ଲା ଯୋଗାଣ ଅଧିକାରୀ ଦାଶରଥି ସୋରେନ କହିଥିଲେ । ଆଜି ଏହି ପରିଦର୍ଶନରେ ଅତିରିକ୍ତ ଯୋଗାଣ ଅଧିକାରୀ ଜ୍ୟୋସ୍ନା ରାଣୀ କର୍ଣ୍ଣଙ୍କ ସହ ବହୁ ଅଧିକାରୀ ଉପସ୍ଥିତ ଥିଲେ ।