ଆଜି ଆଇପିଏଲ ଦ୍ୱିତୀୟ କ୍ୱାଲିଫାୟାର, ମୁହାଁମୁହିଁ ହେବେ ବାଙ୍ଗାଲୋର – ରାଜସ୍ଥାନ

ଅହମ୍ମଦାବାଦ: ଚଳିତ ଆଇପିଏଲ ସିଜିନର ଆଜି ଦ୍ୱିତୀୟ କ୍ୱାଲିଫାୟାର । ଆଜି ଅହମ୍ମଦାବାଦରେ ମୁହାଁମୁହିଁ ହେବେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ରାଜସ୍ଥାନ ରୟାଲ୍ସ । ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ସନ୍ଧ୍ୟା ୭ଟା ୩୦ରେ ଏହି ମ୍ୟାଚ୍ ଖେଳାଯିବ । ପ୍ରଥମ କ୍ୱାଲିଫାୟାରରେ ଗୁଜରାଟଠାରୁ ପରାସ୍ତ ହୋଇଥିଲା ରାଜସ୍ଥାନ ରୟାଲ୍ସ । ଏଲିମିନେଟରରେ ଲକ୍ଷ୍ନୌକୁ ପରାସ୍ତ କରି କ୍ବାଲିଫାୟାର-୨ରେ ସ୍ଥାନ ପାଇଛି ବାଙ୍ଗାଲୋର । ଆଜି ଏହି ଦୁଇ ଦଳଙ୍କ ମଧ୍ୟରେ ଦ୍ୱିତୀୟ କ୍ୱାଲିଫାୟାର ମ୍ୟାଚ୍ ଖେଳାଯିବ । ମ୍ୟାଚ ଜିତି ଫାଇନାଲ ଟିକେଟ ଆଶାରେ ଉଭୟ ଦଳ । ଆଜିର ବିଜୟୀ ଟିମ୍ ଆସନ୍ତା ରବିବାର ଗ୍ରାଣ୍ଡ ଫିନାଲେରେ ଗୁଜରାଟ ଟାଇଟନ୍ସକୁ ଭେଟିବ ।

Ready to paint Ahmedabad RED. 🔴

Let’s do this, boys! 💪🏻😎#PlayBold #WeAreChallengers #IPL2022 #Mission2022 #RCB #ನಮ್ಮRCB #PlayOffs #RRvRCB pic.twitter.com/H5rb65UJW1

— Royal Challengers Bengaluru (@RCBTweets) May 27, 2022

ତେବେ ପ୍ରଥମ ଆଇପିଏଲ୍ ଟ୍ରଫିର ସ୍ୱପ୍ନ ପୂରଣ କରିବା ଲାଗି ଆରସିବି ଆଝଇ କର ବା‌ ମର ସ୍ଥିତିରେ ରହିବ । ଅନ୍ୟପକ୍ଷରେ ୨୦୦୮ର ପ୍ରଥମ ସଂସ୍କରଣ ଜିତିବାର ଦୀର୍ଘ ୧୩ ବର୍ଷର ବ୍ୟବଧାନ ପରେ ଦ୍ୱିତୀୟ ଥର ବିଜେତା ହେବାର ଆଶା ଉଜ୍ଜୀବିତ ରଖିବା ଲାଗି ରାଜସ୍ଥାନକୁ ମଧ୍ୟ ଏହି ମ୍ୟାଚ୍ ଜିତିବାକୁ ପଡ଼ିବ । କାରଣ ପ୍ରଥମ କ୍ବାଲିଫାୟର ହାରି ଫାଇନାଲକୁ ଯିବାର ପ୍ରଥମ ସୁଯୋଗ ରାଜସ୍ଥାନ ପୂର୍ବରୁ ହାତଛଡ଼ା କରିସାରିଛି। କୋଲକାତାର ହାଇସ୍କୋରିଂ ପ୍ଲେ ଅଫ୍ ପର୍ଯ୍ୟାୟ ପରେ ଅହମଦାବାଦ ପିଚ୍ କିନ୍ତୁ ଉଭୟ ଦଳ ଲାଗି ନିଶ୍ଚିତ ଭାବେ ନୂଆ ଆହ୍ବାନ ନେଇ ଆସିବ ।