ବାତ୍ୟା ‘ଦାନା’ କଲା ଛାରଖାର, ପ୍ରଭାବିତଙ୍କ ପାଖରେ ପହଞ୍ଚି ପାରୁନି ପ୍ରଶାସନ
ସୋର: ବାତ୍ୟା ପ୍ରଭାବିତଙ୍କ ପାଖରେ ପହଁଚି ପାରୁନି ପ୍ରଶାସନ । ସୋର ବ୍ଲକର କେଦାରପୁର ଗାଁରେ ବାତ୍ୟାରେ ସମ୍ପୂର୍ଣ୍ଣ ଛାରଖାର ହୋଇଯାଇଛି । ବହୁ ସଂଖ୍ୟାରେ ଗଛ ଉପୁଡି ପଡିଥିବା ବେଳେ ବିଦ୍ୟୁତ ଖୁଣ୍ଟି ମଧ୍ୟ ନଇଁ ପଡିଛି । ପୁନରୁଦ୍ଧାର ପାଇଁ ରିଲିଫ ଓ ଉଦ୍ଧାରକାରୀ ଦଳ ଗାଁରେ ପହଁଚିବାକୁ ଅନୁରୋଧ କରିଛନ୍ତି ଗ୍ରାମବାସୀ ।
ବାସୁଦେବପୁର ସୁଖଦେବପୁର ଗାଁରେ ଥାନା ଆଗରେ ବିଦ୍ୟୁତ ଖୁଣ୍ଟି ପଡିଥିବାରୁ ଆମ୍ବୁଲାନ୍ସ ଯାଉପାରୁନି । ଗାଁକୁ ରୋଗୀଙ୍କୁ ନେବାକୁ ମଧ୍ୟ ଆମ୍ବୁଲାନ୍ସ ଆସିପାରୁନି । ସମୁଦ୍ରଠାରୁ ଦୁଇ କି.ମି. ଦୂର ବାଲେଶ୍ବର ଜିଲ୍ଲା ବାହାନଗା ପଞ୍ଚାୟତରେ ବଡ ବଡ ଗଛ ପଡି ଯାଇଥିବା ବେଳେ ପଞ୍ଚାୟତରେ ବିଦ୍ୟୁତ ସେବା ସମ୍ପୂର୍ଣ୍ଣ ବନ୍ଦ ହୋଇଯାଇଛି ।
ଏବେ ସୁଦ୍ଧା ଉଦ୍ଧାରକାରୀ ଦଳ ପ୍ରଭାବିତ ଅଞ୍ଚଳରେ ପହଁଚି ପାରିନି । ଚାନ୍ଦବାଲି ଏନଏସିର ପାଇକରାପୁରରେ କିଛି ଲୋକଙ୍କୁ ପ୍ରଶାସନ ବାତ୍ୟା ଆଶ୍ରୟସ୍ଥଳକୁ ସ୍ଥାନାନ୍ତର କରିପାରି ନଥିଲା । ସେହିସବୁ ଲୋକ ପ୍ରଶାସନଠାରୁ ଏବେ ବି ପଲିଥିନ ଅପେକ୍ଷାରେ ଅଛନ୍ତି ।
