ରାଜ୍ୟରେ ସଂକ୍ରମିତଙ୍କ ହାର ୨ ଗୁଣା ଏବଂ ସୁସ୍ଥତା ହାର ୩ ଗୁଣାକୁ ବୃଦ୍ଧି
ଭୁବନେଶ୍ୱର: ଦେଶ ତଥା ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ଦେଶର ଜନ ବହୁଳତା ଦୃଷ୍ଟିରେ ଆଗାମୀ ଦିନରେ ସଂକ୍ରମିତ ଦେଶର ତାଲିକାର ଭାରତ ତୃତୀୟ କିମ୍ୱା ୪ର୍ଥ ସ୍ଥାନକୁ ଯାଇପାରେ । ସେହିଭଳି ରାଜ୍ୟରେ ମଧ୍ୟ ସଂକ୍ରମିତ ସଂଖ୍ୟା ବଢ଼ିବାରେ ଲାଗିଛି । ରାଜ୍ୟରେ ସଂକ୍ରମିତଙ୍କ ସଂଖ୍ୟା ୨ ଗୁଣା ବଢ଼ିଥିବା ବେଳେ ଆରୋଗ୍ୟ ଲାଭ କରୁଥିବା ରୋଗୀଙ୍କ ସଂଖ୍ୟା ୩ ଗୁଣା ରହିଛି । ଯାହା ଏକ ଆଶ୍ୱସ୍ତିକର ଖବର ବୋଲି କହିଛନ୍ତି ରାଜ୍ୟ କରୋନା ମୁକାବିଲା କମିଟିର ମୁଖ୍ୟ ମୁଖପାତ୍ର ସୁବ୍ରତ ବାଗଚୀ ।
ଅପରପକ୍ଷରେ ଆଗକୁ ରଜ ଆସୁଥିବା ଏହି ସମୟରେ ଲୋକେ କିଭଳି କିଣା ବିକା କରିବେ ସେ ନେଇ ସୂଚନା ଦେଇଛନ୍ତି ଶ୍ରୀ ବାଗଚୀ । ଦୋକାନୀ ଭାଇମାନେ ମାସ୍କ ପିନ୍ଧିବେ, ମାସ୍କ ଓହ୍ଲାଇ କଥାବାର୍ତ୍ତା ନ କରିବାକୁ ଓ ବିନା ମାସ୍କରେ ଗ୍ରାହକୁ ଭିତରକୁ ନଆଣିବାକୁ ପରାମର୍ଶ ଦେଇଛନ୍ତି ।
ଏଥିସହିତ କିଣା କିଣା ବେଳେ ସତର୍କତା ଅବଲମ୍ୱନ ପାଇଁ ଗ୍ରାହକମାନଙ୍କୁ ପରାମର୍ଶ ଦେଇଛନ୍ତି ବାଗଚୀ । ବଜାରକୁ ପରିବାରର ଏକାଧିକ ସଦସ୍ୟ ନ ଯାଇ ଯଥା ସମ୍ଭବ ଜଣେ ମାତ୍ର ସଦସ୍ୟ ମଧ୍ୟରେ ସାମଗ୍ରୀ କିଣିବା, ଗହଳିଥିବା ଦୋକାନ ଓ ବଜାରଠାରୁ ଦୂରେଇ ରହିବା ଏବଂ ଦୋକାନ ବାହାରେ ଏବଂ ଭିତରେ ୬ ଫୁଟର ଦୂରତ ରକ୍ଷା କରିବାକୁ ପରାମର୍ଶ ଦେଇଛନ୍ତି ବାଗଚୀ ।
