ମାଆ କୋଳରୁ ୭ ମାସର ପୁଅକୁ ଆଣି କୂଅରେ ପିଙ୍ଗିଦେଲା ଦୁର୍ବୃତ୍ତ

ନନ୍ଦିଘୋଷ ବ୍ୟୁରୋ: ମାଆ କୋଳରୁ ୭ ମାସର ପୁଅକୁ ଆଣି କୂଅରେ ପିଙ୍ଗିଦେଲା ଦୁର୍ବୃତ୍ତ । ଏଭଳି ଚାଞ୍ଚଲ୍ଯକର ଘଟଣା ଘଟିଛି ନରସିଂହପୁର ସୁବଳୟା ଗାଁରେ । ମାଆପୁଅ ଶୋଇଥିବାବେଳେ କେହି ପୁଅକୁ ଆଣି କୁଅରେ ଫୋପାଡ଼ି ଦେଇଥିଲା । ପରିବାର ଲୋକ ଦୀର୍ଘସମୟ ଧରି ଖୋଜିବା ପରେ କୂଅରୁ ଶିଶୁପୁତ୍ରକୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାକୁ ମୃତ ଘୋଷଣା କରିଛନ୍ତି । ତେବେ କିଏ ପିଲାଟିକୁ କୂଅରେ ଫୋପାଡ଼ିଲା ସେନେଇ କୌଣସି ସୂଚନା ମିଳିପାରିନି । ପୋଲିସ ପରିବାର ଲୋକଙ୍କୁ ପଚରାଉଚରା କରି ତଦନ୍ତ ଜାରି ରଖିଛି ।