ଏଟିଏମ ମେସିନରେ ଟଙ୍କା ଭର୍ତ୍ତି ବେଳେ ଟ୍ରଙ୍କ୍‌ ଟେକି ନେଲେ, ୬ ଜଣ ଲୁଟେରା ନେଇଗଲେ ୨୯ ଲକ୍ଷ

ଭଦ୍ରକ: ଏଟିଏମ ମେସିନରେ ଟଙ୍କା ଭର୍ତ୍ତି କରୁଥିବା ବେଳେ ଟଙ୍କା ଭର୍ତ୍ତି ଟ୍ରଙ୍କ୍‌ ଲୁଟି ନେଲେ ଲୁଟେରା । ବାଇକରେ ଆସିଥିବା ଲୁଟେରା ବନ୍ଧୁକ ଦେଖାଇ ଲୁଟ କରିଥିବା ଅଭିଯୋଗ ହୋଇଛି । ଟ୍ରଙ୍କରେ ପ୍ରାୟ 29 ଲକ୍ଷ ଟଙ୍କା ଥିଲା । ଭଦ୍ରକ ଟାଉନ ଥାନା ଅଧିନସ୍ଥ ଚରମ୍ପା ଅଞ୍ଚଳରେ ଘଟିଛି ଘଟଣା । ଲଷ୍ମୀ ନାରାୟଣ ମନ୍ଦିର ନିକଟ ଏଟିଏମରେ ଟଙ୍କା ଭର୍ତ୍ତି କରୁଥିବା ବେଳେ ଲୁଟ ହୋଇଛି ।

ଟଙ୍କା ଭର୍ତ୍ତି କରୁଥିଲେ CMS ସଂସ୍ଥାର କର୍ମଚାରୀ । ତିନୋଟି ବାଇକରେ 6 ଜଣ ଲୁଟେରା ଆସି ବନ୍ଧୁକ ଓ ଭୁଜାଲି ଦେଖାଇ ଲୁଟ କରିଛନ୍ତି । CMS ସଂସ୍ଥାର ଚାରି ଜଣ କର୍ମଚାରୀଙ୍କୁ ଟାଉନ ଥାନାରେ ପଚରା ଉଚରା କରାଯାଉଛି । ମିଳିଥିବା ସୂଚନା ମୁତାବକ ଯେଉଁ ସମୟରେ ଏଟିଏମରେ କର୍ମଚାରୀ ଟଙ୍କା ଭର୍ତ୍ତି କରିବାକୁ ଯାଇଥିଲେ, ସେହି ସମୟରେ ଦୁର୍ବୁତ୍ତ ମାନେ ଲୁଟ ଯୋଜନା ପ୍ରସ୍ତୁତ କରିସାରିଥିଲେ  ।