ନନ୍ଦିଘୋଷ ବ୍ୟୁରୋ: ଆମରଣ ଅନଶନ ଭାଙ୍ଗିଲେ ଆପ ନେତ୍ରୀ ତଥା ଦିଲ୍ଲୀର ଜଳମନ୍ତ୍ରୀ ଅତିଶୀ। ସ୍ଵାସ୍ଥ୍ୟାବସ୍ଥା ବିଗିଡିବା ପରେ ଅତିଶୀ ଅନଶନ ଭଙ୍ଗ କରିଛନ୍ତି। ଦିଲ୍ଲୀରେ ପାଣି ସମସ୍ଯାକୁ ନେଇ ଅନଶନରେ ବସିଥିଲେ ଅତିଶୀ। ତେବେ ଅତିଶୀଙ୍କ ସ୍ଵାସ୍ଥ୍ୟବସ୍ଥାରେ ଅବନତି ଘଟିଥିବାରୁ ଅନଶନରୁ ଓହରିଥିବା ଦଳ ପକ୍ଷରୁ କୁହାଯାଇଛି। ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ଏହି ସୂଚନା ଦେଇଛନ୍ତି ଆମ ଆଦମୀ ପାର୍ଟି ନେତା ତଥା ସାଂସଦ ସଂଜୟ ସିଂହ। ଅତିଶୀଙ୍କୁ ଦିଲ୍ଲୀର ଲୋକ ନାୟକ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କର ରକ୍ତରେ ସୁଗର ଲେଭେଲ ୩୬କୁ ଖସି ଆସିଛି। ବ୍ଲଡ୍ ସୁଗର ଲେଭେଲ ଅଚାନକ ଖସିବା ପରେ ତାଙ୍କୁ ତୁରନ୍ତ ମେଡିକାଲରେ ଭର୍ତ୍ତି କରିବାକୁ ଡାକ୍ତର ପରାମର୍ଶ ଦେଇଥିବା କରହିଛନ୍ତି ଆପ ନେତା ସଂଜୟ ସିଂହ। ସେ ବର୍ତ୍ତମାନ ଆଇସିୟୁରେ ଅଛନ୍ତି। ଗତ ୫ ଦିନ ଧରି ଅତିଶୀ କିଛି ଖାଇନଥିବା ଜଣାପଡିଛି।
