ଆସାମ ଓ ତାମିଲନାଡୁରେ ଜୋର ଧରିଲାଣି ପ୍ରଚାର
1 min read
ଆସାମ ଓ ତାମିଲନାଡୁରେ ବିଧାନସଭା ନିର୍ବାଚନ ପାଇଁ ଜୋର ଧରିଲାଣି ପ୍ରଚାର। ଏବେ ନେତାଏ ଦିଲ୍ଲୀ ଛାଡ଼ି ପ୍ରଚାର ମୈଦାନରେ ମାତିଛନ୍ତି। ଦୁଇ ଦିନିଆ ଆସାମ ଗସ୍ତରେ ଅଛନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି। ଆଜି ଅନେକ ଜନସଭାକୁ ସମ୍ବୋଧିତ କରିବା ସହ ନିର୍ବାଚନ ପାଇଁ ନେତାଙ୍କୁ ଦେବେ ଗୁରୁମନ୍ତ୍ର ପ୍ରିୟଙ୍କା। ସେହିଭଳି ତିନି ଦିନିଆ ତାମିଲନାଡୁ ଗସ୍ତରେ ଅଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧି ଆଜି ଅନେକ କାର୍ଯ୍ୟକ୍ରମରେ ସାମିଲ ହେବା ସହ ଜନସଭାକୁ ସମ୍ବୋଧିତ କରିବେ ରାହୁଲ। ରୋଡ୍ ଶୋ କରିବାର ମଧ୍ୟ କାର୍ଯ୍ୟକ୍ରମ ରହିଛି। ଉଭୟ ରାଜ୍ୟରେ କଂଗ୍ରେସ ବିରୋଧୀ ଦଳରେ ବସିଛି। ଆସାମରେ ପୁଣି ଥରେ କ୍ଷମତା ଦଖଲ ପାଇଁ ଦଳ ଜୋର୍ ଲଗାଇଥିବାବେଳେ ତାମିଲନାଡୁରେ ଡିଏମକେ ସହ ମିଶି କଂଗ୍ରେସ ସରକାର ଗଢିବା ପାଇଁ ମନ ବଳାଇଛି। ସେପଟେ ବିଜେପି ମଧ୍ୟ AIADMK ସହ ମିଶି ସରକାର ଗଢିବା ପାଇଁ ଦମ ଲଗାଇଛି। ଏହାକୁ ଚୂଡାନ୍ତ ରୂପ ଦେବା ପାଇଁ ତିନି ଦିନିଆ ତାମିଲନାଡୁ ଗସ୍ତରେ ଅଛନ୍ତି ଗୃହମନ୍ତ୍ରୀ ଅମିତ ଶାହା। ପଶ୍ଚିମବଙ୍ଗରେ ମଧ୍ୟ ଜୋର ଧରିଛି ପ୍ରଚାର ରାଜନୀତି। ଚାରି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ନିର୍ବାଚନ ପାଇଁ ଶେଷ ହୋଇସାରିଛି ତାରିଖ।
