ପହଲଗାଓଁ ଆତଙ୍କବାଦୀ ଆକ୍ରମଣର ବଦଲା : ପାକିସ୍ତାନକୁ ଏସିଆ କପରୁ ବାହାର କରିପାରେ BCCI
1 min read
ନନ୍ଦିଘୋଷ ବ୍ୟୁରୋ: ଜମ୍ମୁ କାଶ୍ମୀରର ପହଲଗାଓଁରେ ଆତଙ୍କବାଦୀଙ୍କ ଆକ୍ରମଣରେ ୨୬ ଜଣ ନିରିହ ପର୍ଯ୍ୟଟକଙ୍କ ଜୀବନ ଯାଇଛି । ଯାହାକୁ ନେଇ ଭାରତ ପାକିସ୍ତାନ ମଧ୍ୟରେ ଯୁଦ୍ଧ ପରିସ୍ଥିତି ସୃଷ୍ଟି ହୋଇଛି । ଏପରିକି ଏବେ ସୋସିଆଲ ମିଡିଆଠାରୁ ଆରମ୍ଭ କରି ଅର୍ଥନୈତିକ ବଦଲା ନେଉଛି ଭାରତ । ଏବେ କ୍ରିକେଟରେ ବଦଲା ନେବାର ସମୟ ଆସିଛି । ଏସିଆ କପରେ ପାକିସ୍ତାନକୁ ବାଦ ଦେବାକୁ ଦାବି କରିଛନ୍ତି ପୂର୍ବତନ ଭାରତୀୟ କ୍ରିକେଟର ସୁନିଲ ଗାଭାସ୍କର ।
୨୦୨୬ ଟି-୨୦ ବିଶ୍ବକପ ପୂର୍ବରୁ ଟି-୨୦ ଫର୍ମାଟରେ ଏସିଆ କପ ଖେଳାଯିବାକୁ ଯାଉଛି । ଭାରତ ଏବଂ ଶ୍ରୀଲଙ୍କା ଏହି ଟୁର୍ଣ୍ଣାମେଣ୍ଟ ଆୟୋଜନ କରୁଛି । ଏଣୁ ଏଥିରୁ ପାକିସ୍ତାନକୁ ବାଦ୍ ଦିଆଯାଉ । କାରଣ ଭାରତ ସରକାର ଯେବେ ଯାହା ନିଷ୍ପତ୍ତି ନିଅନ୍ତି ତେବେ ବିସିସିଆଇ ଏହାକୁ ମଧ୍ୟ ଗ୍ରହଣ କରିଥାଏ । ତେବେ ଭାରତ ସରକାର ଏବେ ପାକିସ୍ତାନ ବିପକ୍ଷରେ ବିଭିନ୍ନ ପଦକ୍ଷେପ ନେଉଛନ୍ତି । ଏଣୁ ଏବେ ବିସିସିଆଇ ମଧ୍ୟ ବଡ଼ ପଦକ୍ଷେପ ନେବା ଜରୁରୀ ବୋଲି ଗାଭାସ୍କର କହିଛନ୍ତି । ତେବେ ପାକିସ୍ତାନକୁ ବାଦ ଦେବା ପାଇଁ ଏସୀୟ କ୍ରିକେଟ ପରିଷଦ (ଏସିସି)କୁ ଭଙ୍ଗାଯାଇପାରେ । ଏହାକୁ ତ୍ରିରାଷ୍ଟୀୟ କିମ୍ବା ଚତୁରାଷ୍ଟ୍ରୀୟ ମ୍ୟାଚ ଖେଳାଯାଇପାରେ ।
