Asia Cup: ଆଜି ମୁହାଁମୁହିଁ ହେବେ ଭାରତ ଓ ହଂକଂ
ଏସିଆ କପରେ ଭାରତ ପାକିସ୍ତାନକୁ ମାତ୍ ଦେଇ ନିଜର ଅଭିଯାନ ଆରମ୍ଭ କରିଛି । ଭାରତୀୟ ଟିମ୍ ଆଜି ହଂକଂ ବିପକ୍ଷରେ ମଇଦାନକୁ ଓହ୍ଲାଇବ । ଏହି ମୁକାବିଲା ଜିତି ସୁପର ୪ରେ ପ୍ରବେଶ କରିବାକୁ ଚେଷ୍ଟା କରିବ ଭାରତ । ତେବେ ଏହି ମୁକାବିଲାରେ ସମସ୍ତଙ୍କ ନଜର ରୋହିତ ଶର୍ମାଙ୍କ ଉପରେ ରହିବ । ପାକିସ୍ତାନ ବିପକ୍ଷରେ ବିଜୟ ପରେ ରୋହିତ ଅଧିନାୟକ ଭାବେ ଏସିଆ କପରେ ନିଜର ଷଷ୍ଠ ବିଜୟ ହାସଲ କରିଛନ୍ତି ।
ତେବେ ଏହାପୂର୍ବରୁ ରୋହିତଙ୍କ ବ୍ୟତୀତ ଏମଏସ ଧୋନୀ ଓ ମୋଇନ୍ ଖାନ ଅଧିନାୟକ ଭାବେ ଲଗାତର ୬ଟି ମ୍ୟାଚ୍ ଜିତିଥିଲେ । ଯଦି ଭାରତ ହଂକଂକୁ ପରାସ୍ତ କରିଦିଏ ତେବେ ରୋହିତ, ଧୋନୀ ଓ ମୋଇନ୍ ଖାନଙ୍କୁ ପଛରେ ପକାଇଦେବେ । ଗତକାଲିର ମ୍ୟାଚ୍ରେ ଆଫଗାନିସ୍ତାନ ବାଙ୍ଗଲାଦେଶକୁ ୭ ଓ୍ବିକେଟରେ ପରାସ୍ତ କରିଛି । ବାଙ୍ଗଲାଦେଶ ୭ ଓ୍ବିକେଟ ହରାଇ ୧୨୭ ରନ୍ କରିଥିବା ବେଳେ ୩ ଓ୍ବିକେଟ ହରାଇ ଆଫଗାନିସ୍ତାନ ୧୩୧ ରନ୍ କରିଥିଲା ।
