ଆର୍ଯ୍ୟନ ଖାନଙ୍କୁ ମିଳିଲାନି ଜାମିନ, ଅକ୍ଟୋବର ୭ ଯାଏ ବଢିଲା ରିମାଣ୍ଡ ଅବଧି

ନୂଆଦିଲ୍ଲୀ: ଶାହାରୁଖ ଖାନଙ୍କ ପୁଅ ଆର୍ଯ୍ୟନଙ୍କୁ ମିଳିଲାନି ଜାମିନ । ଆସନ୍ତା ଅକ୍ଟୋବର ୭ ଯାଏ ବଢିଲା ରିମାଣ୍ଡ ଅବଧି । ଡ୍ରଗସ ସେବନ ମାମଲାରେ କିଙ୍ଗ ଖାନଙ୍କ ପୁଅଙ୍କୁ ଅଧିକ ଜେରା କରିବ ନାର୍କୋଟିକସ୍ କଣ୍ଟ୍ରୋଲ ବ୍ୟୁରୋ । ରେଭ ପାର୍ଟିରେ ଡ୍ରଗସ୍ ସେବନ ମାମଲାରେ ଗତକାଲି ଆର୍ଯ୍ୟନ ହୋଇଥିଲେ ଗିରଫ । ଏନସିବି ରେଡ ବେଳେ ଆର୍ଯ୍ୟନଙ୍କ ଚଷମା ଖୋଳରୁ ଜବତ ହୋଇଥିଲା ନିଷିଦ୍ଧ ସାମଗ୍ରୀ ।

ଡ୍ରଗ୍ ମାମଲାରେ ଆର୍ଯ୍ୟନ୍ ଖାନଙ୍କୁ ବାରମ୍ବାର ପଚରାଉଚରା କରାଯାଉଛି । ପଚରାଉଚରା ସମୟରେ ଆର୍ଯ୍ୟନ ନିଜ ଲୁହକୁ ନିୟନ୍ତ୍ରଣ କରିବାରେ ଅସମର୍ଥ । ସେ ଅହରହ କାନ୍ଧୁଥିବା ସୂଚନା ରହିଛି । ଇତି ମଧ୍ୟକେ ଆର୍ଯ୍ୟନ ସ୍ୱୀକାର କରିଛନ୍ତି ଯେ ସେ ପ୍ରାୟ ୪ ବର୍ଷ ଧରି ଡ୍ରଗ୍ସ ନେଉଛନ୍ତି । ସୂଚନା ଅନୁଯାୟୀ ରବିବାର ବିଳମ୍ବିତ ରାତିରେ କୋର୍ଟ ତିନି ଅଭିଯୁକ୍ତଙ୍କୁ ଏକ ଦିନିଆ ଏନସିବି ହେପାଜତକୁ ପଠାଇଥିଲେ। ଏହି ମାମଲାରେ ଏନସିବି ଆଉ ଜଣେ ସନ୍ଦିଗ୍ଧଙ୍କୁ ଅଟକ ରଖିଛି, ଯିଏ ଆଜି ଗିରଫ ହୋଇପାରେ, ଏନସିବି ତାଙ୍କୁ କୋର୍ଟରେ ମଧ୍ୟ ଉପସ୍ଥାପନ କରିପାରିବ ।