ଡ୍ରଗ୍ସ ମାମଲା: ଶାହାରୁଖଙ୍କ ପୁଅ ଆର୍ଯ୍ୟନଙ୍କୁ ମିଳିଲାନି ଜାମିନ୍, ୨୦ ଅକ୍ଟୋବରରେ ପରବର୍ତ୍ତୀ ଶୁଣାଣି
ମୁମ୍ବାଇ: କ୍ରଜୁ ଶିପ୍ ଡ୍ରଗ୍ସ ମାମଲାକୁ ନେଇ ଆର୍ଥର ରୋଡ୍ ଜେଲରେ କଏଦ ଆର୍ୟନଙ୍କୁ ନେଇ ଗୁରୁବାର ନିଷ୍ପତ୍ତି ଆସି ସାରିଛି । ବୁଧବାର ଆର୍ୟନଙ୍କ ଜାମିନ ପିଟିସନକୁ ନେଇ ମୁମ୍ବାଇ ସେସନ କୋର୍ଟରେ ଶୁଣାଣି ହୋଇଥିଲା । କୋର୍ଟ ଏନସିବି ଏବଂ ଆର୍ୟନ ଖାନଙ୍କ ଓକିଲଙ୍କ ଯୁକ୍ତି ଶୁଣିବା ପରେ ନିଷ୍ପତ୍ତିକୁ ସୁରକ୍ଷିତ ରଖିଛନ୍ତି ।
ଖବର ଅନୁସାରେ ଆଜି ମଧ୍ୟ ଆର୍ୟନଙ୍କୁ ଜାମିନ ମିଳିନାହିଁ । ଏହି ମାମଲାର ଆଗାମି ଶୁଣାଣି ୨୦ ଅକ୍ଟୋବରରେ ହେବ । ତେବେ ଆର୍ୟନଙ୍କ ଓକିଲଙ୍କ କହିବା ହେଉଛି ଆଜିକାଲି ପିଲାଙ୍କ ଭାଷା ବିଶେଷକରି ଇଂରାଜୀ କହିବାର ଶୈଳୀ ଭିନ୍ନ । ତେଣୁ ସେମାନଙ୍କ କଥାବାର୍ତ୍ତା ତଦନ୍ତ କରୁଥିବା ଏଜେନ୍ସିକୁ ସନ୍ଦେହଜନକ ଲାଗିପାରେ ।
ସୂଚନା ଅନୁସାରେ ଆର୍ୟନ ଖାନଙ୍କୁ ବେଲ ଦେବାପାଇଁ ଆର୍ୟନଙ୍କ ଓକିଲ ଖୁବ୍ ଚେଷ୍ଟା କରିଥିଲେ, କିନ୍ତୁ ଜାମିନ ନମିଳିବାରୁ ଶାହାରୁଖ ଓକିଲ ବଦଳାଇ ଦେଇଛନ୍ତି ।
