ବହୁ ଚର୍ଚ୍ଚିତ କ୍ରୁଜ ଡ୍ରଗ୍ସ ପାର୍ଟି ମାମଲାରେ ଆର୍ଯ୍ୟନ ଖାନଙ୍କୁ କ୍ଲିନ୍ ଚିଟ୍‌

ମୁମ୍ବାଇ: କ୍ରୁଜ ଡ୍ରଗ୍ସ ପାର୍ଟି ମାମଲାରେ ଆର୍ଯ୍ୟନ ଖାନଙ୍କୁ କ୍ଲିନ୍ ଚିଟ୍ । ବହୁ ଚର୍ଚ୍ଚିତ କୋର୍ଡେଲିଆ ଡ୍ରଗ୍ସ ପାର୍ଟି ମାମଲାରେ ଜୁନିୟର କିଙ୍ଗ ଖାନଙ୍କୁ କ୍ଲିନ ଚିଟ ଦେଇଛି ନାର୍କେଟିକ୍ସ କଣ୍ଟ୍ରୋଲ ବ୍ୟୁରୋ । ଆଜି ଏନସିବି ପକ୍ଷରୁ କୋର୍ଟରେ ଚାର୍ଜସିଟ ଦାଖଲ କରାଯାଇଛି । ଦାଖଲ ଚାର୍ଜସିଟରେ ଆର୍ଯ୍ୟନଙ୍କ ସମେତ ଅନ୍ୟ ୫ ଜଣଙ୍କ ନାଁ ନଥିବା ଜଣାପଡ଼ିଛି । କ୍ରୁଜରେ ରେଡ୍ ବେଳେ ଆର୍ଯ୍ୟନଙ୍କ ସମେତ ୧୯ ଜଣଙ୍କୁ ଗିରଫ କରି ଅଭିଯୁକ୍ତ ଦର୍ଶାଇଥିଲା ଏନସିବି । ଆର୍ଯ୍ୟନଙ୍କ ବିରୋଧରେ କିଛି ପ୍ରମାଣ ମିଳି ନଥିବାରୁ କ୍ଲିନଚିଟ୍ ଦିଆଯାଇଥିବା ଏନସିବି ଡିଡିଜି ସଞ୍ଜୟ ସିଂହ କହିଛନ୍ତି ।

A complaint against 14 persons under various sections of the NDPS Act is being filed. Complaint against rest six persons is not being filed due to a lack of evidence: Sanjay Kumar Singh, DDG (Operations), NCB

— ANI (@ANI) May 27, 2022

ଗତବର୍ଷ ମୁମ୍ବାଇ କ୍ରୁଜ ପାର୍ଟିରେ ଡ୍ରଗ୍ସ ସେବନ କରିବା ଅଭିଯୋଗରେ ଏନସିବି ଆର୍ଯ୍ୟନ ଓ ତାଙ୍କ ବନ୍ଧୁମାନଙ୍କୁ ଗିରଫ କରିଥିଲେ । ସାରା ଦେଶରେ ଏହାକୁ ନେଇ ତମ୍ବିତୋଫାନ ଦେଖିବାକୁ ମିଳିଥିଲା । ଏହି ମାମଲାରେ ଆର୍ଯ୍ୟନ ୨୬ ଦିନ କାଳ ଜେଲରେ ରହିଥିଲେ । ଶେଷରେ ବମ୍ବେ ହାଇକୋର୍ଟ ତାଙ୍କୁ ଅକ୍ଟୋବର ୨୮ରେ ଜାମିନ ପ୍ରଦାନ କରିଥିଲେ। ଜାମିନ ମିଳିବାର ଦୁଇ ଦିନ ଅର୍ଥାତ ଅକ୍ଟୋବର ୩୦ରେ ଆର୍ଯ୍ୟନ ଘରକୁ ଫେରିଥିଲେ।