ଜିତିଲେ କେଜ୍ରିୱାଲ, ସପକ୍ଷରେ ପଡ଼ିଲା ୫୮ ଭୋଟ୍

ନୂଆଦିଲ୍ଲୀ: ଆସ୍ଥା ଭୋଟରେ ବିଜୟୀ ହୋଇଛନ୍ତି  ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ  । ଆଜି ବିଧାନସଭାରେ ହୋଇଥିବା ଆସ୍ଥା ଭୋଟରେ କେଜ୍ରିଓ୍ବାଲଙ୍କ ସପକ୍ଷରେ ମିଳିଛି ୫୮ ଭୋଟ । ଆସ୍ଥା ଭୋଟରେ ବିଜୟୀ ହେବା ପରେ ବିଜେପି ବିରୋଧରେ ବର୍ଷିଛନ୍ତି କେଜ୍ରିଓ୍ବାଲ  । ଆମ ଆଦମୀ ବିଧାୟକଙ୍କୁ ବିଜେପି କିଣିବା ଉଦ୍ୟମ ବିଫଳ ହୋଇଛି । ୭୦ ସଦସ୍ୟ ବିଶିଷ୍ଟ ବିଧାନସଭାରେ ଆପର ୬୨ ବିଧାୟକ ଥିବାବେଳେ ବିଜେପିର ଅଛନ୍ତି ୮ ବିଧାୟକ । କେଜ୍ରିୱାଲ କହିଛନ୍ତି ମୋର ସମସ୍ତ ବିଧାୟକଙ୍କ ସମର୍ଥନ ରହିଛି  । ଦୁଇ ଜଣ ଆପ ବିଧାୟକ ଏବେ ବିଦେଶରେ ଅଛନ୍ତି  । ଜଣେ ଜେଲରେ ରହିଥିବା ବେଳେ ଜଣେ ଗୃହର ବାଚସ୍ପତି  ।

ସେପଟେ ଆସ୍ଥା ଭୋଟରେ ବିଜୟୀ ହେବାପରେ କେଜି୍ରିୱାଲ କହିଛନ୍ତି, ଦିଲ୍ଲୀରେ ଅପରେସନ ଲୋଟସ ବିଫଳ ହୋଇଛି । ବିଧାନସଭାରେ ଆସ୍ଥା ଭୋଟ ଲାଗି ଗତ ଅଗଷ୍ଟ ୨୯ ତାରିଖରେ ପ୍ରସ୍ତାବ ଉପସ୍ଥାପନ କରିଥିଲେ କେଜ୍ରିଓ୍ବାଲ । ବିଜେପି ଅପରେସନ ଲୋଟସ ଚଳାଇଥିବାବେଳେ ଦିଲ୍ଲୀବାସୀଙ୍କ ଦ୍ୱନ୍ଦ୍ୱ ଦୂର କରିବାକୁ ପ୍ରସ୍ତାବ ଆଗତ କରିଥିଲେ ନିଜେ କେଜ୍ରିୱାଲ  ।  ଗତ ସପ୍ତାହରେ କେଜ୍ରିଓ୍ବାଲ ଅଭିଯୋଗ କରିଥିଲେ- ଆପର ୪୦ ବିଧାୟକଙ୍କୁ କିଣିବା ଲାଗି ବିଜେପି ଉଦ୍ୟମ କରୁଛି ।

ଆପ ଅଭିଯୋଗ କରିଥିଲା  ଯେ, ବିଜେପି ଦିଲ୍ଲୀରେ ଆରମ୍ଭ କରିଛି ଘୋଡ଼ ବେପାର  । ଆପ୍ ବିଧାୟକ ମାନଙ୍କୁ କୋଟି କୋଟି ଟଙ୍କା ଦେଇ କିଣିବାକୁ ଆରମ୍ଭ କରିଥିଲା ଅପରେସନ  । ଏମିତିକି ଆମ ଆଦମୀ ପାର୍ଟିର  କିଛି ବିଧାୟକଙ୍କ ପାଖକୁ କଲ ଯାଇଥିବା ସହ ଟଙ୍କା ନେଇ ବିଜେପିକୁ ସମର୍ଥନ କରିବାକୁ କୁହାଯାଇଥିବା କେଜ୍ରିୱାଲ ଅଭିଯୋଗ କରିଥିଲେ  । ମନୀଷ ସିସୋଦିଆଙ୍କୁ ମୁଖ୍ୟମନ୍ତ୍ରୀ କରିବା ନେଇ ବିଜେପି ଅଫର ଦେଇଥିବା ମଦ୍ୟ ଆପ ମୁଖ୍ୟ ଅରବିନ୍ଦ କେଜ୍ରିୱାଲ କହିଥିଲେ  ।