ନିଆରା କଳାକୃତି; ଆଇସକ୍ରିମ୍ କାଠିରେ ନିର୍ମାଣ କଲେ ମହାପ୍ରଭୁଙ୍କର ନାଗାର୍ଜୁନ ବେଶ…

ପୁରୀ: ଆଇସକ୍ରିମ କାଠିରେ ମହାପ୍ରଭୁଙ୍କ ବୀର ବେଶ । ଝଟକୁଛି ନାଗାର୍ଜୁନ ବେଶର ପ୍ରତିଛବି । ଯୁବ ଚିତ୍ରଶିଳ୍ପୀଙ୍କ ନିଖୁଣ କଳାକୃତି ମହାପ୍ରଭୁ ଶୋଭା ପାଉଛନ୍ତି । ଅବ୍ୟବହୃତ ୩୫୭୫ଟି ଆଇସକ୍ରିମ କାଠି ବ୍ୟବହାର କରି ଏହି ଦୁର୍ଲଭ ବେଶର ପଟ୍ଟଚିତ୍ର ନିର୍ମିତ ହୋଇଛି । ଏହାର ଉଚ୍ଚତା ୪୦ ଇଞ୍ଚ ହୋଇଥିବା ବେଳେ ଓସାର ରହିଛି ୨୨ ଇଞ୍ଚ ।

ଏହି ଆକର୍ଷଣୀୟ କଳାକୃତୀର ନିର୍ମାଣ ଲାଗି ପୁରୀ ସିଦ୍ଧମହାବୀର କୁମୁଟିପାଟଣାର ଯୁବ ଶିଳ୍ପୀ ବିଶ୍ବଜିତଙ୍କୁ  ପ୍ରାୟ ୧୬ ଦିନ ସମୟ ଲାଗିଛି । ଲକଡାଉନ ସମୟରେ ବିଶ୍ୱଜିତ୍ ଏପରି ସ୍ୱତନ୍ତ୍ର ନିଦର୍ଶନ କରିବାକୁ ସ୍ଥିର କରିଥିଲେ । ଚିତ୍ରକଳା ମାଧ୍ୟମରେ ୨୦୨୦ର ନାଗାର୍ଜୁନ ବେଶକୁ ଚିରସ୍ମରଣୀୟ କରିବାକୁ ସେ ଏଭଳି କରିଥିବା କହିଛନ୍ତି ।