ମୃତ୍ୟୁକୁ ବଳିଗଲାଣି ଅକ୍ଷୟଙ୍କ ଯନ୍ତ୍ରଣା

ମୃତ୍ୟୁକୁ ବଳିଗଲାଣି ଯନ୍ତ୍ରଣା । ମୁହଁରେ ଗୋଟିଏ କଥା ହେ ଭଗବାନ ମୋତେ ମାରିଦିଅନ୍ତନି । ବଞ୍ଚିବାର ଆଶା ମଉଳି ଯାଉଥିବାବେଳେ, ଇଚ୍ଛାମୃତ୍ୟୁ ପାଇଁ ଗୁହାରୀ କରିଛନ୍ତି । ଢେଙ୍କାନାଳ  ଭୁବନ ବ୍ଳକ୍ ଗଡଗହଁପୁରର ଅକ୍ଷୟ ଦେଓ । ଏକା ଜୀବନ ଯୁଦ୍ଧ ଲଢୁଥିବ ଅକ୍ଷୟ ଗତ ବର୍ଷେ ହେଲା କ୍ୟାନସରରେ ପୀଡ଼ିତ । ପରିବାରର କେହି ନଥିବାରୁ ଗାଁ ଲୋକେ ସାଧ୍ୟ ମତେ ସାହାଯ୍ୟ କରୁଛନ୍ତି । ଗାଁ କ୍ଳବ୍ ଘରେ ରହିବାକୁ ବ୍ୟବସ୍ଥା କରିଛନ୍ତି । ଅନୁଗୁଳ ଏବଂ କଟକ ନେଇ ଚିକିତ୍ସା ବି କରାଉଛନ୍ତି । ହେଲେ ରୋଗ ଭଲ ନହୋଇ ଦେଉଛି ଅଧିକ ଯନ୍ତ୍ରଣା । ପ୍ରଶାସନ ପକ୍ଷରୁ ତହସିଲଦାର ୫ ହଜାର ଏବଂ ଜିଲ୍ଲପାଳ ୨୦ ହଜାର ଟଙ୍କା ସହାୟତା ଦେଇଛନ୍ତି, ଯାହା ସମୁଦ୍ରକୁ ଶଙ୍ଖେ ପରି ।  ଅକ୍ଷୟଙ୍କ ରୁଗଣ୍ ଶରୀର ଆଉ ଅସହ୍ୟ ଯନ୍ତ୍ରଣା ସହିପାରୁନି । ଏଣୁ ରାଜ୍ୟପାଳ, ମୁଖ୍ୟମନ୍ତ୍ରୀ, ଜିଲ୍ଲପାଳ, ଉପ ଜିଲ୍ଲପାଳ, ତହସିଲଦାର ଏବଂ ବିଡିଓଙ୍କ ନିକଟରେ ଇଚ୍ଛା ମୃତ୍ୟୁ ପାଇଁ କରିଛନ୍ତି ଆବେଦନ । ଯନ୍ତ୍ରଣାରେ ଜହ ଜହ ଅକ୍ଷୟଙ୍କ ଏକମାତ୍ର ଭରସା ସରକାରୀ ଅବା ବଦାନ୍ୟ ବ୍ୟକ୍ତିଙ୍କ ସହାୟତା । ')}