ନନ୍ଦିଘୋଷ ବ୍ୟୁରୋ: ପଞ୍ଜାବର ଲୁଧିଆନାରେ ଆପ୍ ବିଧାୟକଙ୍କ ସନ୍ଦେହଜନକ ମୃତ୍ୟୁ। ତାଙ୍କ ମୁଣ୍ଡରେ ଗୁଳି ବାଜିଥିବା ଜଣାପଡ଼ିଛି। ମୃତ ବିଧାୟକ ହେଲେ ଗୁରୁପ୍ରୀତ ଗୋଗି । ସେ ପଶ୍ଚିମ ଲୁଧିଆନାରୁ ବିଧାୟକ ଥିଲେ। ଗୁରୁତର ଅବସ୍ଥାରେ ତାଙ୍କୁ ହସପିଟାଲ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ତେବେ ତାଙ୍କୁ କେମିତି ଗୁଳି ବାଜିଲା, ତାହା ସ୍ପଷ୍ଟ ହୋଇନାହିଁ। ତାଙ୍କ ପତ୍ନୀ କହିଛନ୍ତି, ଗୁଳି ଫୁଟିବା ଶୁଣି ସେ ବେଡ୍ ରୁମକୁ ଯାଇଥିଲେ। ଏହା ପରେ ଗୋଗିଙ୍କୁ ହସପିଟାଲ ନିଆଯାଇଥିଲା। ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଛନ୍ତି।
