ଚୀନ ସହ ସୀମା ବିବାଦ ବେଳେ ଜରୁରୀକାଳୀନ ଶକ୍ତି ବ୍ୟବହାର କରି ଫ୍ରାନ୍ସରୁ ଆସିଲା ହାମର, ଜାଣନ୍ତୁ ଏ ହାମର କଣ

ନୂଆଦିଲ୍ଲୀ: ଚୀନ୍ ସହିତ ଚାଲିଥିବା ସୀମା ବିବାଦ ମଧ୍ୟରେ ମୋଦୀ ଜରୁରୀକାଳୀନ ଶକ୍ତି ବ୍ୟବହାର କରି ଫ୍ରାନ୍ସରୁ ହାମର କ୍ଷେପଣାସ୍ତ୍ର ମଗାଇଛନ୍ତି । ଏହି କ୍ଷେପଣାସ୍ତ୍ର ଗୁଡିକର ପ୍ରଥମ ପର୍ଯ୍ୟାୟରେ ଜୁଲାଇ ୨୯ ରେ ଭାରତରେ ପହଞ୍ଚିବ । ତେବେ ଏହି କ୍ଷେପଣାସ୍ତ୍ର ସବୁ ରାଫେଲ ବିମାନରେ ନିୟୋଜିତ ହେବ ବୋଲି ସୂଚନା ମିଳିଛି । ଦୁନିଆର ଅନ୍ୟତମ ଚମତ୍କାର ଯୁଦ୍ଧବିମାନ ମଧ୍ୟରୁ ରାଫେଲ ଶକ୍ତି ସହ ହାମର କ୍ଷେପଣାସ୍ତ୍ର ସହିତ ଅଧିକ ମାରାତ୍ମକ ପରିସ୍ଥିତି ଶତ୍ରୁ ପାଇ ସୃଷ୍ଟି କରିବ । ଏହି କ୍ଷେପଣାସ୍ତ୍ର ଗୁଡିକ ୬୦ ରୁ ୭୦ କିଲୋମିଟର ଦୂରରୁ ଯେକୌଣସି ପ୍ରକାରର ଲକ୍ଷ୍ୟକୁ ଟାର୍ଗେଟ କରିବାରେ ସକ୍ଷମ ରଖନ୍ତି ।

ନ୍ୟୁଜ୍ ଏଜେନ୍ସି ANI ସୂତ୍ରରୁ ପ୍ରକାଶ ଯେ ହାମର କ୍ଷେପଣାସ୍ତ୍ର ଭାରତୀୟ ଜାହାଜରେ ଯୋଗଦେବା ପରେ ଯେକ କୌଣସି ପ୍ରକାରର ବଙ୍କରକୁ ଟାର୍ଗେଟ କରିବାର କ୍ଷମତା ଆହୁରି ବୃଦ୍ଧି ପାଇବ । ହାମର୍ ହେଉଛି ଏକ ମଧ୍ୟମ ସୀମା କ୍ଷେପଣାସ୍ତ୍ର ଯାହା ଫରାସୀ ବାୟୁସେନା ଏବଂ ନୌସେନା ଦ୍ୱାରା ବ୍ୟବହାର ପାଇଁ ନିର୍ମିତ ହୋଇଥିଲା । ଏହା ପୂର୍ବରୁ ଖବର ଦିଆଯାଇଥିଲା ଯେ ପୂର୍ବ ଲଦାଖ ସୀମା ପାଇଁ ସୈନ୍ୟମାନେ ବର୍ତ୍ତମାନ ଇସ୍ରାଏଲରୁ ହେରାନ ଡ୍ରୋନ୍ ଏବଂ ସ୍ପାଇକ୍ ଆଣ୍ଟି ଟ୍ୟାଙ୍କ ଗାଇଡ୍ କ୍ଷେପଣାସ୍ତ୍ର କିଣିବେ । ସାମ୍ପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି ହେରାନ୍ UAVର ସଂଖ୍ୟା ବୃଦ୍ଧି ହେବା ଆବଶ୍ୟକତା ରହିଛି । ଏହି କାରଣରୁ, ଅଧିକ ସଂଖ୍ୟକ ହେରାନ୍ UAV ପାଇଁ ବିଚାର କରାଯାଉଛି । ତେବେ କେତେ ହେରାନ୍ ଅର୍ଡର କରାଯିବ ତାହା କୁହାଯାଇ ନାହିଁ ।

ଅନ୍ୟପକ୍ଷରେ ସେନା ମଧ୍ୟ ଇସ୍ରାଏଲରୁ ସ୍ପାଇକ୍ ଆଣ୍ଟି ଟ୍ୟାଙ୍କ୍ ଗାଇଡ୍ ମିସାଇଲ୍ କିଣିବାକୁ ଚିନ୍ତା କରୁଛି । ବାଲାକୋଟ ଏୟାର ଷ୍ଟ୍ରାଇକ୍ ପରେ ମଧ୍ୟ ଏହି କ୍ଷେପଣାସ୍ତ୍ର ଗୁଡ଼ିକର ଏକ ସାମଗ୍ରୀ ଭାରତକୁ ଆସିଥିଲା । ସେନା ଶେଷରେ ୧୨ ଟି ଲଞ୍ଚର୍ ଏବଂ ୨୦୦ ଟି ସ୍ପାଇକ୍ ମିସାଇଲ୍ ପାଇଥିଲା । ସୂତ୍ରରୁ ପ୍ରକାଶ ଯେ ବର୍ତ୍ତମାନ ସେନା ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ର ସଂଖ୍ୟା ବୃଦ୍ଧି କରିବାକୁ ଚିନ୍ତା କରୁଛୁ । ଏହି ସମୟରେ DRDO ପୋର୍ଟେବଲ୍ ଆଣ୍ଟି-ଟ୍ୟାଙ୍କ ଗାଇଡ୍ କ୍ଷେପଣାସ୍ତ୍ର ମଧ୍ୟ ପ୍ରସ୍ତୁତ କରୁଛି । କୁହାଯାଉଛି ଯେ DADO ର ଏହି ପ୍ରକଳ୍ପ ମାଧ୍ୟମରେ ସେନା ବହୁ ପରିମାଣରେ ଏହି କ୍ଷେପଣାସ୍ତ୍ର ପାଇପାରିବ ।