ନନ୍ଦିଘୋଷ ବ୍ୟୁରୋ: ଆମେରିକାରୁ ସ୍ଵଦେଶ ଫେରିବେ ଆହୁରି ପ୍ରାୟ ୬୦୦ ଭାରତୀୟ।ବେଆଇନ ଭାବେ ଆମେରିକାରେ ରହୁଥିବା ୬୦୦ ନାଗରିକଙ୍କୁ ଭାରତକୁ ପଠାଇବାକୁ ଆମେରିକା ତାଲିକା ପ୍ରସ୍ତୁତ କରିଥିବା ଜଣାପଡିଛି। ଏ ନେଇ ଭାରତୀୟ ବୈଦେଶିକ ବ୍ଯାପାର ବିଭାଗ ପକ୍ଷରୁ ସୂଚନା ଦିଆଯାଇଛି। ତେବେ ଭାରତକୁ ଆସୁଥିବା ଲୋକଙ୍କୁ ଠିକ୍ ଭାବେ ବିମାନରେ ସ୍ଥାନାନ୍ତର କରାଯାଉନଥିବା ଅଭିଯୋଗ ହୋଇଛି। ଦୟନୀୟ ଭାବେ ସାମରିକ ବିମାନ ସି-୧୭ରେ ଭାରତୀୟଙ୍କୁ ଆଣିବାକୁ ନେଇ ବିବାଦ ଜାରି ରହିଥିବାବେଳେ ପୁଣି ଥରେ ଏହି ବିପୁଳ ସଂଖ୍ଯକ ଭାରତୀୟଙ୍କୁ ଅଣାଯିବ। ଏହାକୁ ନେଇ ଗୁରୁତ୍ଵରୋପ କରିଛି ନୂଆଦିଲ୍ଲୀ।ବିମାନରେ ନାଗରିକ ସ୍ଥାନାନ୍ତର ବେଳର ଫଟୋକୁ ନେଇ ଛାନିଆ ଲୋକେ। କିଛି ସମୟ ପୂର୍ବରୁ ଆମେରିକାରେ ବେଆଇନ ଭାବେ ରହୁଥିବା ୪୮୭ ନାଗରିକକୁ ପଠାଇବାକୁ ଆମେରିକା ତାଲିକା ପ୍ରସ୍ତୁତ କରିଥିବା ନେଇ ସୂଚନା ଦିଆଯାଇଥିଲା। ତେବେ ଏହି ସଂଖ୍ଯା ଏବେ ୫୮୬ ବୋଲି ଜଣାପଡିଛି।
ପୂର୍ବରୁ ସାମରିକ ବିମାନ ସି-୧୭ ଜରିଆରେ ୨୦୩ ନାଗରିକଙ୍କୁ ଭାରତ ପଠାଇଛି ଆମେରିକା। ପ୍ରଥମ ପର୍ଯ୍ଯାଯରେ ଭାରତକୁ ଫେରିଥିବା ନାଗିରକଙ୍କ ମଧ୍ଯରେ ଆମେରିକା ତାଲିକା ପ୍ରସ୍ତୁତ କରିଥିବା ୬ ଶହ ଜଣଙ୍କ ମଧ୍ଯରୁ ୯୯ ଜଣ ଫେରିଛନ୍ତି। ଆଗକୁ ଆଉ ୯୬ ଭାରତୀୟଙ୍କୁ ଆମେରିକା ଭାରତକୁ ପଠାଇବ ବୋଲି ଜଣାପଡିଛି।
