ରାସନ କାର୍ଡରେ ଅନିୟମିତତା ଅଭିଯୋଗ: ତାଲିକାରେ ନାମ ଥିବା ସତ୍ତ୍ୱେ ମିଳିନି ରାସନ କାର୍ଡ

ଆସିକା: ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଜଗମୋହନ ପଞ୍ଚାୟତରେ ରାସନ କାର୍ଡର ଅନିୟମିତତା ଅଭିଯୋଗ । ସ୍ଥାନୀୟ ଅଧିକାରୀଙ୍କ ଖାମଖିଆଲି ଯୋଗୁ ହିତାଧିକାରୀ ପାଇପାରୁନାହାନ୍ତି ସରକାରୀ ସୁବିଧା । ଆସିକା ଜଗମୋହନ ପଞ୍ଚାୟତର ୧୨୩ଜଣ ହିତାଧିକାରୀଙ୍କ ନାଁ ତାଲିକାରେ ରହିଥିବା ବେଳେ ସେମାନଙ୍କୁ ରାସନ କାର୍ଡ ମିଳିନଥିବା ଅଭିଯୋଗ ହୋଇଛି । ଏନେଇ ଗ୍ରାମବାସୀ ମାନେ ବହୁ ଅଧିକାରୀଙ୍କୁ ଗୁହାରି ଜଣାଇଥିଲେ ମଧ୍ୟ କେହି କର୍ଣ୍ଣପାତ କରୁନଥିବା କହିଛନ୍ତି ଗ୍ରାମବାସୀ । ରାସନ କାର୍ଡ ମିଳିନଥିବା ଯୋଗୁ ହିତାଧିକାରୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଥିବା ଦେଖିବାକୁ ମିଳିଛି ।

ଏଥିସହିତ ପଢ଼ନ୍ତୁ: ଜୀବନ ଆଶାରେ ଶବ ସହ ୧୦ ଦିନ, ଜାଣିଲେ ଆଶ୍ଚର୍ଯ୍ୟ ହୋଇଯିବେ