ଜୟପାଟଣାରେ ମଧ୍ୟାହ୍ନ ଭୋଜନରେ ହେରଫେର ଅଭିଯୋଗ, ତଦନ୍ତ ଦାବି

ସ୍କୁଲ ପିଲାଙ୍କ ଖାଦ୍ୟରେ ହେରଫେର ହେଉଥିବାର ସଂଗୀନ ଅଭିଯୋଗ । ମଧ୍ୟାନ ଭୋଜନ ପାଇଁ ଆସୁଥିବା ସାମଗ୍ରୀ ସବୁ ଖାଉଛି କିଏ ? ସ୍କୁଲରେ ମଧ୍ୟାହ୍ନ ଭୋଜନ ପ୍ରସ୍ତୁତ ହେଉଥିବା ଖାଦ୍ୟ ଅତି ନିମ୍ନମାନର । ସବୁପିଲା ଏହି ଖାଦ୍ୟ ଖାଇବାକୁ ମୁହଁ ମୋଡୁଛନ୍ତି । ଏନେଇ ପ୍ରଧାନ ଶିକ୍ଷକଙ୍କ ନାଁରେ ଆସିଛି ସାଙ୍ଘାତିକ ଅଭିଯୋଗ । ଘଟଣାଟି ଘଟିଛି ଜୟପାଟଣା ବ୍ଳକ ବଡ଼କର୍ଲ୍ଲାକୋଟ ଉଚ୍ଚ ବିଦ୍ୟାଳୟରେ । ସେଠାରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ୩୬୮ ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ସ୍କୁଲରେ ପ୍ରାୟ ୪୦ ଭାଗ ପିଲା ଏହି ଭୋଜନ ଖାଉଥିବା ବେଳେ ଆଉ ୬୦ଭାଗ ପିଲା ନିଜ ଘରକୁ ଖାଇବା ପାଇଁ ଯାଉଛନ୍ତି । ନିମ୍ନମାନର ଖାଦ୍ୟ ପାଇଁ ସେମାନେ ସ୍କୁଲରେ ଖାଉନଥିବା ଅଭିଯୋଗ ହୋଇଛି । କିନ୍ତୁ ପ୍ରଧାନ ଶିକ୍ଷକ, ପିଲାମାନେ ସମ୍ପୁର୍ଣ୍ଣ ଭୋଜନ ଖାଉଥିବାର ରିପୋର୍ଟ ଦେଉଥିବା ଅଭିଯୋଗ ହୋଇଛି । ଏନେଇ ସ୍କୁଲର ବିଦ୍ୟାଳୟ ପରିଚାଳନା କମିଟିର ସଭାପତି ଅନେକ ଥର ବ୍ଳକ ଶିକ୍ଷା ଅଧିକାରୀଙ୍କୁ ଅବଗତ କରିଥିଲେ ମଧ୍ୟ କୌଣସି ସୁଫଳ ମିଳି ପାରିନାହିଁ  ।

ସରକାର ପିଲାଙ୍କୁ ବିଦ୍ୟାଳୟ ପ୍ରତି ଆକର୍ଷିତ କରିବା ପାଇଁ ଅନେକ ଯୋଜନା କରୁଛନ୍ତି । ମାଗଣାରେ ବହିପତ୍ର, ପୋଷାକ, ଜୋତା, କି ମଧ୍ୟାହ୍ନ ଭୋଜନ ଭଳି ସୁବ୍ୟବସ୍ଥା ମଧ୍ୟ ହେଉଛି । ଏଥିପାଇଁ ପ୍ରତି ଶିକ୍ଷାବର୍ଷରେ କୋଟି କୋଟି ଟଙ୍କା ଖର୍ଚ୍ଚ ମଧ୍ୟ ହେଉଛି । କିନ୍ତୁ ବିଦ୍ୟାଳୟ ଗୁଡିକରେ ତାହା ସବୁ କିପରି ଚାଲିଛି ତାହା ଦେଖିବାକୁ କେହି ନାହିଁ । ତେବେ ଜିଲ୍ଲା ଶିକ୍ଷା ଅଧିକାରୀ ଏନେଇ ଦୃଷ୍ଟି ଦେବାକୁ ଦାବି କରାଯାଇଛି। ')}