ସ୍ପେନରେ ଆଲିବାବା ପ୍ରତିଷ୍ଠାତା ଜ୍ୟାକମା

ସ୍ପେନ: ଆଲିବାବା ପ୍ରତିଷ୍ଠାତା ଜ୍ୟାକମା ହେଲେ ଦୃଶ୍ୟମାନ । ଦୀର୍ଘ ଦିନ ପରେ ବିଭିନ୍ନ ଲୋକଙ୍କ ସହ ସେ ସ୍ପେନରେ ଆଳାପ କରିଥିବା ଦେଖିବାକୁ ମିଳିଛି । କିଛି ଦିନ ତଳେ ସେ ହଂକଂରେ ଅଛନ୍ତି ବୋଲି ରିପୋର୍ଟ ପ୍ରକାଶ ପାଇଥିଲା । ସେ ହଂକଂରେ ନିଜ  ବ୍ୟବସାୟ ସମ୍ଭାଳିବା ସହ କିଛି ଏକଜିକ୍ୟୁଟିଭଙ୍କୁ ଭେଟିଥିବା ଖବର ପ୍ରକାଶ ପାଇଥିଲା । ମାତ୍ର ଏବେ ସେ ବ୍ୟକ୍ତିଗତ କାମରେ ସ୍ପେନ ଯାଇଥିବା ଜଣାଯାଇଛି । ସେଠାରେ ତାଙ୍କୁ ଠାବ କରାଯାଇଛି ।

ଚୀନ ସରକାରଙ୍କ ଆର୍ଥିକ ନୀତିକୁ ସମାଲୋଚନ କରିବା ପରେ ଅକସ୍ମାତ ଗାଏବ ହୋଇଯାଇଥିବା ଜ୍ୟାକମାଙ୍କୁ ନେଇ ଅନେକ ଚର୍ଚ୍ଚା ଚାଲିଥିଲା । ତେବେ ଗତ ସେପ୍ଟେମ୍ବରରେ ସେ ହଂକଂରେ ଥିଲେ ବୋଲି ଖବର ପ୍ରକାଶ ପାଇଥିଲା । ଏବେ ସେ ସ୍ପେନ ଗସ୍ତରେ ଯାଇଥିବା ବିଭିନ୍ନ ମହଲରୁ କୁହାଯାଇଛି । ଏକ ଘରୋଇ ଜେଟରେ ଜ୍ୟାକମା ସ୍ପେନ ଯାଇଛନ୍ତି । ସ୍ପେନରେ ସେ ଗଲଫ ଖେଳିବା ସହ ସପିଂ କରୁଥିବା କୁହାଯାଉଛି ।