ଖାଲି ଆମାଜନ ନୁହେଁ “ସେଲ ଭାଇ ” ସପିଂ ଆପ୍ରେ ମିଳୁଛି ନିର୍ମାଲ୍ୟ
ପୁରୀ: ଆମାଜନ, ପିନରେଷ୍ଟ ପରେ ପୁଣି ସାମ୍ନାକୁ ଆସିଲା ଆଉ ଏକ ସଂସ୍ଥା । ଅନଲାଇନରେ ବିକ୍ରି ହେଉଛି ମହାପ୍ରଭୁ ଶ୍ରୀଜଗନ୍ନାଥଙ୍କ ଦୁର୍ମୁଲ୍ୟ ପ୍ରସାଦ । “ସେଲ ଭାଇ ” ନାମକ ଏହି ସଂସ୍ଥା ଅନଲାଇନରେ ଖଜା, ନିର୍ମାଲ୍ୟ, ବଲ୍ଳଭ, ଜଗନ୍ନାଥ ଙ୍କ ଫଟର ଏକ ପ୍ୟାକେଟ ପ୍ରସ୍ତୁତ କରି ବିକ୍ରି କରୁଥିବା ଦେଖିବାକୁ ମିଳିଛି । ତେବେ ସମ୍ପୃକ୍ତ ସଂସ୍ଥା ୮୦୦ ଗ୍ରାମର ପ୍ୟାକେଟକୁ ୩୩୨ ଟଙ୍କାରେ ବିକ୍ରି କରୁଛି ।
ସେଲ୍ ଭାଇ ସଂସ୍ଥା ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଆଜି ଏତଲା ଦେବା ପାଇଁ ପ୍ରସ୍ତୁତ ହେଉଛନ୍ତି ଶ୍ରୀମନ୍ଦିର ସେବାୟତ ଶମ୍ଭୁନାଥ ଖୁଣ୍ଟିଆ । ଗୋଟେ ପରେ ଗୋଟେ ସଂସ୍ଥା ଏହି ଭଳି ଶ୍ରୀଜଗନ୍ନାଥ ସଂସ୍କୃତି ଓ ପରମ୍ପରା କୁ ବିକ୍ରି କରୁଥିବା ବେଳେ ଶ୍ରୀମନ୍ଦିର ପ୍ରଶାସନ, ଜିଲ୍ଲା ପ୍ରଶାସନ ଏନେଇ କୌଣସି ଆଖିଦୃଶିଆ ପଦକ୍ଷେପ ନେଉନାହାନ୍ତି ।
