ହସ୍ପିଟାଲ ବେଡରୁ ଉଠି ତଳେ ପାଦ ରଖିଲା ରାହୁଲ, ଡାକ୍ତର କହିଲେ, ରାହୁଲ ଏବେ ବିପଦମୁକ୍ତ

ବିଳାସପୁର: ଚାଲିଲା ରାହୁଲ  । ୫ଦିନର ଚିକିତ୍ସା ପରେ ମେଡିକାଲ ବେଡରୁ ତଳକୁ ଓହ୍ଲାଇଛି ରାହୁଲ । ଡାକ୍ତର ହାତ ଧରି ଠିଆ ହେବା ସହିତ ଚେୟାରରେ ବସିଛି । ଗତକାଲି ମୋବାଇଲ ଧରିବାକୁ ବେଡରୁ ଉଠିଥିଲା ରାହୁଲ । ଆଜି ତା’ର ଚାଲିବା ଭିଡିଓ ସାମ୍ନାକୁ ଆସିଛି । ବୋରଓ୍ବେଲରୁ ଉଦ୍ଧାର ପରେ ବିଳାସପୁର ଆପୋଲ ହସ୍ପିଟାଲରେ ଚିକିତ୍ସା ଚାଲିଛି ।

ଗାତରୁ ବାହାରିବା ପରେ ଧୀରେଧୀରେ ଶାରୀରିକ ଓ ମାନସିକ ସ୍ତରରେ ସୁସ୍ଥ ହେଉଛି ରାହୁଲ । ଏବେ ତା’ର ସଂକ୍ରମଣ କମିଛି । ଆସନ୍ତାକାଲିଠୁ ତାକୁ ଇଞ୍ଜେକ୍ସନ ଦେବା ବନ୍ଦ କରାଯିବ । ତେବେ ଫିଜିଓଥେରାପି ଓ ଏକ୍ସରସାଇଜ୍ ଜାରି ରହିଛି । ଏବେ ରାହୁଲ ବିପଦମୁକ୍ତ ଥିବା କହିଛନ୍ତି ଡାକ୍ତର । ଆସନ୍ତା ୩- ୪ଦିନ ପର୍ଯ୍ୟନ୍ତ ହସପିଟାଲରେ ତା’ର ଚିକିତ୍ସା ଜାରି ରହିବ  । ସମ୍ପୂର୍ଣ୍ଣ ସୁସ୍ଥ ହେବା ପରେ ତାକୁ ଘରକୁ ପଠାଇଦିଆଯିବ ବୋଲି ଡାକ୍ତର କହିଛନ୍ତି ।