ବିସ୍ଫୋରଣ ତନଖି କରିବେ ଆଫ୍ରିକାର ବିଶେଷଜ୍ଞ, ଏହି ରାସ୍ତାରେ ଯାତାୟତ ବନ୍ଦ

ନୋଏଡା: ଅପରାହ୍ନ ସାଢେ ୨ଟାରେ ଧ୍ବସ୍ତବିଧ୍ବସ୍ତ ହେବ ଟ୍ବିନ ଟାୱାର  । ବଡ ବିସ୍ଫୋରଣ ପାଇଁ ବଡ ପ୍ରସ୍ତୁତି ଅନ୍ତିମ ପର୍ଯ୍ୟାୟରେ  । ବିସ୍ଫୋରଣ ଲାଗି ୩,୭୦୦ କେଜି ବିସ୍ଫୋରକ ବ୍ୟବହାର ହେଉଛି । ଟାଓ୍ବାରର ସମସ୍ତ ପିଲରରେ ହୋଇଥିବା ଗର୍ତ୍ତ ସଂଖ୍ୟା ୩ ହଜାର ରହିଛି । ପ୍ରତି ୨ ମିଟରରେ ଗୋଟିଏ ଗୋଟିଏ ଗର୍ତ୍ତ କରାଯାଇଛି । ଟାଓ୍ବାରରେ ହୋଇଥିବା ହୋଲର ମୋଟ ଦୈର୍ଘ୍ୟ ୧୪ କିମି ହୋଇଥିବାବେଳେ ଟାଓ୍ବାରରେ ୨୦ ହଜାର ସର୍କିଟ ପ୍ରତିଷ୍ଠା କରାଯାଇଛି ।

ଧ୍ବଂସ ଲାଗି ଓ୍ବାଟରଫଲ୍ ଟେକନିକ ବ୍ୟବହାର ହୋଇଥିବା ତଥା ପିଲରରେ ହୋଲ୍ ଯୋଗୁ ଟାଓ୍ବାର ସିଧା ଧରାଶାୟୀ ହେବ । ଘଟଣାସ୍ଥଳରେ ଉପସ୍ଥିତ ରହିବେ ବ୍ଲାଷ୍ଟର ଓ ଆଫ୍ରିକାର ୩ ବିଶେଷଜ୍ଞ । ୧୦୦ ମିଟର ଦୂରରେ ରହିବେ ବ୍ଲାଷ୍ଟର, ବିଶେଷଜ୍ଞ ଓ ପଦାଧିକାରୀ । ୪୫୦ ମିଟର ଦୂରତା ଯାଏ ନୋ ଗୋ ଜୋନ ପ୍ରତିଷ୍ଠା ହୋଇଥିବାବେଳେ ବିସ୍ଫୋରଣ ପରେ ସୃଷ୍ଟି ହେବ ୩ ହଜାର ଟ୍ରକ ଧ୍ବଂସାବଶେଷ ।

୩୦ ମିଟର ଯାଏ ରହିବ ବିସ୍ଫୋରଣର ତୀବ୍ରତା । ଟାଓ୍ବାର ଧ୍ବଂସ ଲାଗି ୨୦ କୋଟି ଟଙ୍କା ଖର୍ଚ୍ଚ ହେଉଥିବାବେଳେ ଏହାକୁ ବହନ କରିବ ସୁପରଟେକ ।

ଅପରାହ୍ଣ ୨ଟା ୧୫ରେ ନୋଏଡା ଏକ୍ସପ୍ରେସ ଓ୍ବେରେ ଯାତାୟତ  ବନ୍ଦ କରାଯିବ । ଅପରାହ୍ଣ ୩ଟାରେ ନୋଏଡା ଏକ୍ସପ୍ରେସ ଓ୍ବେ ଖୋଲିବ । ଅପରାହ୍ଣ ୪ଟାରେ ସିକ୍ୟୁରିଟି କ୍ଲିଅରାନ୍ସ ପରେ ବାସିନ୍ଦା ଘରକୁ ଫେରିବେ । ଅପରାହ୍ଣ ସାଢ଼େ ୪ଟାରେ ସ୍ଥାନୀୟ ଅଞ୍ଚଳରେ ଲାଗିଥିବା ଏଲିଭେଟର ଗୁଡ଼ିକ କାର୍ଯ୍ୟକ୍ଷମ କରାଯିବ । ଅପରାହ୍ଣ ୪ଟା ୪୦ରୁ ୫ଟା ମଧ୍ୟରେ ସ୍ଥାନୀୟ ଅଞ୍ଚଳରେ ବିଦ୍ୟୁତ ଓ ଜଳଯୋଗାଣ ଆରମ୍ଭ କରାଯିବ ।