ଶୁଣିଲାନି ପ୍ରଶାସନ, ରାସ୍ତା ନିର୍ମାଣ କଲେ ଗ୍ରାମବାସୀ

ବାଲେଶ୍ୱର: ପ୍ରଶାସନିକ ଅଧିକାରୀଙ୍କଠୁ ଜନପ୍ରତିନିଧି, ସମସ୍ତଙ୍କୁ ଗୁହାରି କଲେ ହେଲେ କେହି ଶୁଣିଲେନି । ଶେଷରେ ଉଭୟ ପୁରୁଷ ଏବଂ ମହିଳା କାନ୍ଧରେ କାନ୍ଧ ମିଶାଇ ହାତରେ କୋଡି, କୋଦାଳ ଧରି ତାଲା ବନ୍ଦ ସମୟରେ ଶ୍ରମଦାନ କରି ଗାଁକୁ ନିର୍ମାଣ କଲେ ରାସ୍ତା ।

ନିଜ ଗାଁ କାମକୁ ହାତକୁ ନେଲେ ଲୋକେ । ରାଜନେତା ଠାରୁ ଆରମ୍ଭ କରି ପ୍ରଶାସନୀକ ଅଧିକାରୀ । ସମସ୍ତଙ୍କୁ ଗୁହାରି କରିବା ପରେ କେହି ଶୁଣିଲେ ନାହିଁ । ଶେଷରେ ଉଭୟ ପୁରୁଷ ଏବଂ ମହିଳା କାନ୍ଧରେ କାନ୍ଧ ମିଶାଇ ଶ୍ରମଦାନ କରି ଗାଁକୁ ନିର୍ମାଣ କଲେ  ରାସ୍ତା ।  ଏମିତି ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ଜଳେଶ୍ୱର ଧାନ ସିମୁଳିଆ ଗାଁ ରେ । ବର୍ଷ ବର୍ଷ ଧରି ରାସ୍ତା ସମସ୍ୟା ରେ ଘାଣ୍ଟି ହେଉଥିଲେ ଧାନସିମୁଳିଆ ଗ୍ରାମର ହରିଜନ ସାହିର ପ୍ରାୟ ୫୦ ପରିବାର । ବର୍ଷା ଦିନ ଆସିଲେ ସାହି ବାହ୍ୟ ଜଗତରୁ ବିଚ୍ଛିନ୍ନ ହୋଇ ଯାଏ । ଶେଷରେ କେହି ନ ଶୁଣିବାରୁ ଶ୍ରମଦାନ କରି ରାସ୍ତା ତିଆରି କରିଛନ୍ତି ଗାଁଲୋକେ ।

ପଲ୍ଲୀ ସଭା, ଗ୍ରାମସଭା ରେ ବାରମ୍ବାର ଲେଖା ଦେଲା ପରେ ମଧ୍ୟ କିଛି ସୁଫଳ ମିଳି ନଥିବା କଥା କହିଛନ୍ତି ଗ୍ରାମର ୱାର୍ଡ ମେମ୍ବର । ଶେଷରେ ଗ୍ରାମରେ ଯୁବକ, ମହିଳା ହାତରେ କୋଦଲ, ଝୁଡ଼ି ଧରି ତିଆରି କରି ଦେଖାଇଛନ୍ତି ନୂଆ ରାସ୍ତା । ଗ୍ରାମର ପୁରୁଷ ଓ ମହିଳା ଙ୍କ ଏପରି ଉଦ୍ୟମ ଅନ୍ୟ ମାନଙ୍କ ପାଇଁ ଉଦାହରଣ ପାଲଟିଥିବା କହନ୍ତି ଲୋକେ । ଗାଁ ଗାଁକୁ ପକ୍କା ରାସ୍ତା ଯୋଡିବାକୁ ଅନେକ ଯୋଜନା ହୋଇଛି । ହେଲେ ପ୍ରଶାସନକି ଅବହେଳା ଯୋଗୁଁ ସିମୁଳିଆ ଗାଁଲୋକଙ୍କ ନିକଟରେ ଏହା ଅପହଞ୍ଚ । ଏସମ୍ପର୍କରେ ଜଳେଶ୍ବର bdo ଙ୍କୁ  ଯୋଗାଯୋଗ କରିବାରୁ କ୍ୟାମେରା ସମ୍ମୁଖରେ କିଛି କହିବେ ନାହିଁ ବୋଲି କହିଛନ୍ତି ।