୨୦କୋଟି କୋଭିଡ ଟିକାର ଡୋଜ୍ ନଷ୍ଟ କରିବାକୁ ବିଚାର କରୁଛି ସେରମ୍ ଇନ୍‌ଷ୍ଟିଚ୍ୟୁଟ୍

1 min read

ନୂଆଦିଲ୍ଲୀ: କୋଭିଡ ଟିକା ନଷ୍ଟ କରିପାରେ ସେରମ୍ ଇନ୍‌ଷ୍ଟିଚ୍ୟୁଟ୍ । ଦେଶର ଏହି ସବୁଠାରୁ ବଡ଼ ଟିକା ନିର୍ମାଣକାରୀ କମ୍ପାନୀ ଏବେ ପ୍ରାୟ ୨୦କୋଟି କୋଭିଡ ଡୋଜ୍ ନଷ୍ଟ କରିବା ନେଇ ବିଚାର କରୁଛି । କାରଣ ଦେଶରେ ଟିକାର ଚାହିଦା କମିଥିବା ବେଳେ ପ୍ରଚୁର ମାତ୍ରାରେ କରୋନା ଟିକା ମହଜୁଦ ରହିଛି  । ଅଗଷ୍ଟ-ସେପ୍ଟମ୍ୱର ମାସ ବେଳକୁ ଏହି ସବୁ ଟିକାର ଏକ୍ସପାଏରୀ ସରୁଥିବା ବେଳେ ଏହାକୁ ନଷ୍ଟ କରିବାକୁ ପଡ଼ିପାରେ ।

ମାତ୍ର ବର୍ଷକ ତଳେ ଭାରତରେ କୋଭିଡ୍ ଟିକାର ଗୁରୁତର ଅଭାବ ଦେଖାଦେଇଥିଲା । ଗୋଟିଏ ଡୋଜ୍ ଟିକା ନେବାକୁ ଲୋକମାନଙ୍କୁ ଅନେକ ଦିନ ଧରି ଅପେକ୍ଷା କରିବାକୁ ପଡ଼ୁଥିଲା । କିନ୍ତୁ ଏବେ ପରିସ୍ଥିତି ବଦଳି ଯାଇଛି । ଦେଶରେ ଏବେ ପ୍ରଚୁର ଟିକା ମହଜୁଦ ହୋଇ ରହିଛି, କିନ୍ତୁ ଚାହିଦା କମିଯାଇଛି ।

ଦେଶର ସବୁଠ ବଡ଼ ଟିକା କମ୍ପାନି ସେରମ ଇନଷ୍ଟିଚ୍ୟୁଟର ମୁଖ୍ୟ ଅଦର ପୁନାଓ୍ୱାଲା କହିଛନ୍ତି ଯେ, ତାଙ୍କ କମ୍ପାନୀ ପ୍ରାୟ ୨୦ କୋଟି ଡୋଜ୍ କୋଭିଡ୍ ଟିକା ନଷ୍ଟ କରିବାକୁ ବିଚାର କରୁଛି । କାରଣ ଦେଶରେ କୋଭିଡ ଟିକାର ଚାହିଦା କମିଥିବାବେଳେ ପ୍ରଚୁର ପରିମାଣରେ ଟିକା ମହଜୁଦ ରହିଛି । ଏସବୁ ଟିକାକୁ ନଷ୍ଟ କରାଯିବ କାରଣ ସେଗୁଡ଼ିକର ଏକ୍ସପାରି ତାରିଖ ଆସନ୍ତା ଅଗଷ୍ଟ-ସେପ୍ଟେମ୍ବର ମାସ ରେ ପଡ଼ିବ ।

ଡାଭୋସଠାରେ ଅନୁଷ୍ଠିତ ହେଉଥିବା ଓ୍ୱାର୍ଲ୍ଡ ଇକୋନୋମିକ ଫୋରମ ଅବସରରେ ସେ କହିଛନ୍ତି, ବିଶ୍ୱରେ ପରବର୍ତ୍ତୀ ମହାମାରୀର ମୁକାବିଲା ପାଇଁ ଏକ ଅନ୍ତର୍ଜାତୀୟ ମହାମାରୀ ରାଜିନାମାର ଆବଶ୍ୟକତା ରହିଛି । ଏପରି ହେଲେ ଆମେ ସହଜରେ ମହାମାରୀର ମୁକାବିଲା କରିପାରିବା ।

ଏଥିସହିତ ପଢ଼ନ୍ତୁ: ଜ୍ଞାନବାପି ମାମଲାରେ ରାୟ ସଂରକ୍ଷିତ ରଖିଲେ ବାରାଣସୀ କୋର୍ଟ