ବୃକ୍ଷକୁ ରାକ୍ଷୀ ବାନ୍ଧି ନିଆରା ଢ଼ଙ୍ଗରେ ରାକ୍ଷୀ ପୂର୍ଣ୍ଣିମା ପାଳନ
ଗଞ୍ଜାମ: ଆଜି ସାରା ଦେଶ ପାଳୁଛି ପବିତ୍ର ରାକ୍ଷୀ ପୂର୍ଣ୍ଣମୀ। ଏହି ଅବସରରେ ଗଞ୍ଜାମ ଜିଲ୍ଲାରେ ଦେଖିବାକୁ ମିଳିଛି ଏକ ନିଆରା ରାକ୍ଷୀ ଉତ୍ସବ ଆଡ଼ପଡ଼ା ଈଶାଣେଶ୍ୱର ପାଠାଗାର ଓ ମନ୍ଦିର କମିଟି ତରଫରୁ ବୃକ୍ଷ ରୋପଣ ସହ ବୃକ୍ଷକୁ ରାକ୍ଷୀ ବାନ୍ଧି ନିଆରା ଢଙ୍ଗରେ ପାଳିତ ହୋଇଛି ପବିତ୍ର ରକ୍ଷା ବନ୍ଧନ।
ଏହି ରକ୍ଷା ବନ୍ଧନରେ ଈଶାଣେଶ୍ୱର କମିଟି ମାନେ ବୃକ୍ଷକୁ ସୁରକ୍ଷା କରିବା ନିମନ୍ତେ ସଂକଳ୍ପ କରିବା ସହ ରକ୍ଷା ଡୋର ବାନ୍ଧିଥିଲେ। ଆବାହନ କାଳରୁ ବିପଦ ଆପଦରେ ସୁରକ୍ଷା ନିମନ୍ତେ ଭଉଣୀ ତା ଭାଇ ହାତରେ ରକ୍ଷା ଡୋରି ବାନ୍ଧି ଆସୁଛି। ବର୍ତ୍ତମାନ ସାରା ବିଶ୍ୱରେ ଯେଉଁ ଭଳି ଅଭାବନୀୟ ପ୍ରାକୃତିକ ବିପର୍ଯ୍ୟୟ ଘଟୁଛି ତାର ପ୍ରଶାମନ ନିମନ୍ତେ ବୃକ୍ଷ ର ସୁରକ୍ଷା ଅପରିହାର୍ଯ୍ୟ। ତେଣୁ ଏହାର ସୁରକ୍ଷା ସଂକଳ୍ପ ପୂର୍ବକ ଈଶାଣେଶ୍ୱର ପାଠାଗାର ଓ ମନ୍ଦିର କମିଟି ମାନେ ଗଛକୁ ରକ୍ଷା ବାନ୍ଧି ଭିନ୍ନ ଢ଼ଙ୍ଗରେ ରକ୍ଷା ବନ୍ଧନ ପାଳନ କରିଛନ୍ତି।
ଏହି କାର୍ଯ୍ୟକ୍ରମରେ ପ୍ରକୃତିମିତ୍ର ପୁରସ୍କାରପ୍ରାପ୍ତ ଈଶାଣେଶ୍ୱର ପାଠାଗାର ସଭାପତି ଶ୍ରୀ ବନମାଳୀ ପ୍ରଧାନ,ସରପଞ୍ଚ ଶ୍ରୀ ନୀଳମାଧବ ରାଉତ, ପାଠାଗାର କମିଟି ଡାକ ରାଉତ, ଶିବଶଙ୍କର ଜେନା, ଚନ୍ଦନ ରାଉତ, ସୁଧାଂଶୁ ଜେନା, ମାନସ ରଂଜନ ଜେନା, ଦିପକ ପ୍ରଧାନ, ଅମରେଶ ରାଉତ ପ୍ରମୁଖ ଯୋଗ ଦେଇଥିଲେ।
