ଆଳୁ କଳାବଜାରୀକୁ ରୋକିବା ପାଇଁ ଅଣ୍ଟା ଭିଡିଛି ଗୁଣୁପୁର ଯୋଗାଣ ବିଭାଗ

ଗୁଣୁପୁର: ରାଜ୍ଯରେ ଆଳୁ ଦର ଅହେତୁକ ଭାବେ ବୃଦ୍ଧି ପାଇବାରେ ଲାଗିଛି। ଆଳୁର କଳାବଜାରୀକୁ ରୋକିବା ପାଇଁ ଅଣ୍ଟା ଭିଡିଛି ଗୁଣୁପୁର ଯୋଗାଣ ବିଭାଗ । ଗୁଣୁପୁର ପୈାରପରିଷଦ ଅଞ୍ଚଳର ଆଳୁ ଗୋଦାମ, ରିଟେଲର ଦୋକାନ ଓ ଦୈନିକ ବଜାରରେ ଯୋଗାଣ ବିଭାଗ ପକ୍ଷରୁ ଚଢାଉ କରାଯାଇଛି । ଆଳୁର ପ୍ରକୃତ ଦର କେଜି ପିଛା ୩୧ ଟଙ୍କା ୫୦ ପଇସା ରହିଛି । ଗୋଟିଏ ଆଳୁ ବସ୍ତାରେ ୪୧ କେଜି ଆଳୁ ରହୁଛି, ଯାହାକି ୧ ହଜାର ୨୮୦ ଟଙ୍କାରେ ରିଟେଲର ଦୋକାନୀ ଗୋଦାମରୁ କ୍ରୟ କରୁଛନ୍ତି। ସେହି ଆଳୁକୁ ସେମାନେ ୩୫ ଟଙ୍କାରେ ମାର୍କେଟରେ ବିକ୍ରି କରୁଥିବା କିଛି ଦୋକାନୀ କହିଛନ୍ତି। ତେଣୁ ଆଳୁ ଦରକୁ ପ୍ରତ୍ୟେକ ଦୋକାନୀ ନିଜ ଦୋକାନ ଆଗରେ ରେଟ ସାରଣି ଲଗାଇବା ପାଇଁ ନିର୍ଦ୍ଦେଶ ଦିଆଯାଇଛି।

ଯେଉଁ ବ୍ଯବସାୟୀ ଚଢା ଦରରେ ଆଳୁ ବିକ୍ରି କରିବେ ସେହି ଦୋକାନୀଙ୍କ ବିରୁଧରେ ସରକାରୀ ନିୟମ ଅନୁଯାୟୀ ଦୃଢ କାର୍ଯ୍ୟାନୁଷ୍ଠାନ ନିଆଯିବ କହିଛନ୍ତି ବୋଲି କହିଛନ୍ତି ଗୁଣୁପୁର ଯୋଗାଣ ଅଧିକାରୀ ଦେବବ୍ରତ ମହାପାତ୍ର।