ଋଷ-ୟୁକ୍ରେନ ଯୁଦ୍ଧରେ ଫସିଛନ୍ତି ୨୦ ଭାରତୀୟ
1 min read
ବ୍ୟୁରୋ ରିପୋର୍ଟ: ଋଷ-ୟୁକ୍ରେନ ଯୁଦ୍ଧରେ ଫସିଛନ୍ତି ୨୦ ଭାରତୀୟ। ସପୋର୍ଟ ଷ୍ଟାଫ ଭାବେ ଅଧିକ ଦରମା ଅଫର ପାଇ କାମ କରିବାକୁ ଯାଇଥିଲେ ୨୦ ଭାରତୀୟ । ହେଲେ ସେମାନଙ୍କୁ ଋଷ-ୟୁକ୍ରେନ ଯୁଦ୍ଧରେ ନିୟୋଜିତ କରାଯାଇଥିବା ଅଭିଯୋଗ ହୋଇଛି। ଯୁଦ୍ଧରେ ନିୟୋଜିତ ଭାରତୀୟଙ୍କୁ ଫେରାଇ ଆଣିବାକୁ ପ୍ରୟାସ ଚାଲିଛି । ଯୁଦ୍ଧଭୂମିରେ ନିଯୁକ୍ତ ହୋଇଥିବା ଭାରତୀୟଙ୍କ ସହ ସମ୍ପର୍କରେ ରହିଛି ଭାରତୀୟ ବୈଦୈଶିକ ବ୍ୟାପାର ବିଭାଗ। ସମସ୍ତଙ୍କୁ ସୁରକ୍ଷିତ ଫେରାଇ ଆଣିବାକୁ ଋଷ କର୍ତ୍ତୃପକ୍ଷଙ୍କ ସହ ଆଲୋଚନା ଚାଲିଛି। ସେମାନଙ୍କ ମଧ୍ୟରୁ ଜଣେ ଭାରତୀୟ ଗୁଳି ମାଡ଼ରେ ଆହତ ହୋଇଥିବା ଜଣାପଡିଛି। ଦୀର୍ଘ ଦିନ ହେଲା ସେମାନେ ଫସି ରହିଥିବା ବେଳେ ଏବେ ଉଦ୍ଧାର ପାଇଁ ଭାରତ ସରକାରଙ୍କ ପାଖକୁ ଖବର ପଠାଇଛନ୍ତି।
ୱାରଜୋନରେ ଫସି ରହିଥିବା ଭାରତୀୟଙ୍କୁ ସ୍ୱଦେଶ ଫେରାଇ ଆଣିବାକୁ ସବୁ ପ୍ରକାରର ଚେଷ୍ଟା କରାଯାଉଥିବା କହିଛନ୍ତି ବୈଦୈଶିକ ବ୍ଯାପାର ବିଭାଗ ମୁଖପାତ୍ର। ଋଷ ଅଧିକାରୀଙ୍କ ସହ ମଧ୍ୟ ଭାରତ ସରକାର ଯୋଗାଯୋଗରେ ରହିଥିବା ସେ କହିଛନ୍ତି। ଏହାପରେ ଭାରତୀୟଙ୍କୁ ଋଷ-ୟୁକ୍ରେନ ଯୁଦ୍ଧରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି। ଅନେକ ଭାରତୀୟଙ୍କୁ ଋଷ ପ୍ରତିରକ୍ଷା ବିଭାଗରେ ଚାକିରି କରାଇ ଦେବାର ଲୋଭ ଦେଖାଇ କିଛି ଏଜେଣ୍ଟ ମସ୍କୋ ନେଇ ଯାଇଛନ୍ତି। ସେଠାରେ ସେମାନଙ୍କୁ ବଳପୂର୍ବକ ୟୁକ୍ରେନ ସହ ଯୁଦ୍ଧ କରିବାକୁ ବାଧ୍ୟ କରାଯାଉଛି।
