ଟନେଲ ନୁହେଁ, ଭକ୍ତଙ୍କ ପାଇଁ ପୁରୀ ବଡ଼ଦାଣ୍ଡରେ ହେବ ସେଡ୍ ବ୍ୟବସ୍ଥା
ପୁରୀ: ଆହୁରି ଶୃଙ୍ଖଳିତ ହେବ ଜଗା ଦର୍ଶନ । ଶ୍ରୀକ୍ଷେତ୍ରରେ ଶ୍ରଦ୍ଧାଳୁଙ୍କୁ ମିଳିବ ସର୍ବୋତ୍ତମ ସୁବିଧା । ଟନେଲ ନୁହେଁ, ଭକ୍ତଙ୍କ ପାଇଁ ପୁରୀ ବଡ଼ଦାଣ୍ଡରେ ହେବ ସେଡ୍ ବ୍ୟବସ୍ଥା । ବର୍ଷ ତମାମ ସ୍ଥାୟୀ ସେଡ୍ ବ୍ୟବସ୍ଥା କରାଯିବ । ସେଡ୍ ମଧ୍ୟରେ ପାନୀୟଜଳ ଯୋଗାଣ ସହ ଏସି ଲଗାଯିବ ଓ ବସିବା ପାଇଁ କରାଯିବ ବ୍ୟବସ୍ଥା । ଏଥିପାଇଁ ଇଞ୍ଜିନିୟରିଂ ସଂସ୍ଥା ଦ୍ବାରା ପ୍ରସ୍ତାବିତ ଅଞ୍ଚଳରେ ମାପଚୁପ ସରିଛି । ମରିଚିକୋଟ ଛକରୁ ସିଂହଦ୍ବାର ପର୍ଯ୍ୟନ୍ତ ଦୁଇ ପାର୍ଶ୍ବରେ ସେଡ୍ ନିର୍ମାଣ କରାଯିବ । ପୁରୀ ଉପଜିଲ୍ଲାପାଳ ଭବତାରଣ ସାହୁ ଏହି ସୂଚନା ଦେଇଛନ୍ତି ।
ଅନ୍ୟପଟେ ଶ୍ରୀମନ୍ଦିର ଐତିହ୍ୟ କରିଡର ପାଇଁ ପୁରୀରେ ଚାଲିଛି ଉଚ୍ଛେଦ କାର୍ଯ୍ୟ । ଶ୍ରୀନହର ପାର୍ଶ୍ବରେ ଥିବା ୨ ମହଲା ବିଶିଷ୍ଟ ନରେନ୍ଦ୍ର ମହଲାକୁ ଉଚ୍ଛେଦ କରାଯାଉଛି । ରାଘବ ଦାସ ମଠ ଦ୍ବାରା ପରିଚାଳିତ ହେଉଥିଲା ନରେନ୍ଦ୍ର ମହଲା । ମାଜିଷ୍ଟ୍ରେଟଙ୍କ ଉପସ୍ଥିତିରେ ଉଚ୍ଛେଦ କରାଯାଉଥିବାବେଳେ ଏକ ପ୍ଲାଟୁନ ପୋଲିସ ଫୋର୍ସ, ଅଗ୍ନିଶମ ବାହିନୀ ମୁତୟନ ହୋଇଛନ୍ତି ।
