ଧନୀ-ଗରିବ ଭେଦଭାବ ଦୂରକଲା ନିରୀହ ଶିଶୁ

କେବଳ ଭାରତରେ ନୁହେଁ ବିଶ୍ୱର ଅନେକ ସ୍ଥାନରେ ଧନୀ-ଗରିବ ଭିତରେ ଭେଦଭାବ ଦେଖାଯାଏ । ବର୍ତ୍ତମାନର ସମାଜରେ ମଣିଷକୁ ମଣିଷ ଭାବରେ ନୁହେଁ ଟଙ୍କାର ମୂଲ୍ୟରେ ତୁଳନା କରାଯାଏ । ଯାହାର ଯେତେ ସମ୍ପତ୍ତି ତାର ସମାଜରେ ସେତେ ସମ୍ମାନ । ଆଜିର ସମାଜରେ ଜଣେ ଗରିବ ବ୍ୟକ୍ତି ସହ ଅବ୍ୟବହାର କରିବା କୈାଣସି ଭୁଲ୍ ନୁହେଁ ମାତ୍ର ଜଣେ ଧନୀକୁ ସମ୍ମାନ ନ ଦେବା ବହୁତ ବଡ଼ ଭୁଲ୍ । ଏଭଳି କୁପ୍ରଥାକୁ ଭୁଲ ପ୍ରମାଣିତ କରି ଦେଖାଇଛି ଜଣେ ନିରୀହ ଶିଶୁ । ଏହି ନିଷ୍ପାପ କୋମଳ ଶିଶୁର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏବେ ଲୋକେ ଜାତି-ଗୋତ୍ର, ଧନୀ ଗରିବର ଭେଦଭାବକୁ ନେଇ କଳହ କରୁଥିବା ବେଳେ ଏତେ ଅଳ୍ପ ବୟସର ଶିଶୁ ସମସ୍ତଙ୍କୁ ପ୍ରକୃତ ମଣିଷପଣିଆ ଶିଖାଇଛି । ଏହି ପିଲାଟିର ନା କିୟାଂଶ । ଭିଡିଓରେ ବେଲୁନ ବିକ୍ରି କରୁଥିବା ଗୋଟେ ମହିଳାଙ୍କ ପୁଅକୁ କିୟାଂଶ କୁଣ୍ଠାଉଥିବାର ଦେଖାଯାଉଛି ।

ଉଭୟଙ୍କର ଏହି ସୁନ୍ଦର ଦୃଶ୍ୟକୁ ଦେଖି ସେଠାରେ ଥିବା ସମସ୍ତ ଲୋକ କିୟାଂଶକୁ ପ୍ରଶଂସା କରିଥିଲେ ଏବଂ କହିଥିଲେ ଛୋଟ ଛୁଆ ହେଲେ ବି ଅନେକ କିଛି କଥା ଶିଖାଇଦେଇଛି କିୟାଂଶ । ଉଭୟ ଭିନ୍ନ ଭିନ୍ନ ହୋଇଥିଲେ ମଧ୍ୟ ତାଙ୍କର ଏଭଳି ଭଲପାଇବା ପାଇଁ ଉଭୟଙ୍କ ମଧ୍ୟରେ ଥିବା ଭିନ୍ନତା ଦୂରେଇଯାଇଥିଲା । ଭିଡିଓର ଏହି କ୍ଲିପଟି ୧୩.୮ ମିଲିୟନ ଭିୟୁ ଯାଇଥିବା ବେଳେ ଲକ୍ଷେ ଉପରେ ଲାଇକ୍ ମିଳିଥିଲା । ଏଥିସହ ଏହା ହେଉଛି ପ୍ରକୃତ ମଣିଷପଣିଆ ବୋଲି କହି ଅନେକ ଲୋକ ନିଜ ଷ୍ଟାଟସରେ ଭିଡିଓଟିକୁ ରଖିଛନ୍ତି । ଅକ୍ଟୋବର ୨୮ରେ ଭିଡିଓଟି ଛଡ଼ାଯାଇଥିବା ବେଳେ ଏବେ ଏହା ଭାଇରାଲ ହେବାରେ ଲାଗିଛି ।