ଟ୍ରେନରେ ନା ଟ୍ରାକରେ ଥିଲା ତ୍ରୁଟି, ଟ୍ରେନ୍ ଦୁର୍ଘଟଣାର କରାଯିବ ଉଚ୍ଚସ୍ତରୀୟ ତଦନ୍ତ
କୋରାଇ: ଯାଜପୁର ଟ୍ରେନ୍ ଟ୍ରାଜେଡିର ହେବ ଉଚ୍ଚସ୍ତରୀୟ ତଦନ୍ତ । ପ୍ରଶ୍ନ ଉଠୁଛି, କେମିତି ହେଲା ଯାଜପୁର କୋରାଇ ରେଳ ଷ୍ଟେସନରେ ମାଲବାହୀ ଟ୍ରେନର ଦୁର୍ଘଟଣା ? ଅଘଟଣ ନା ଅବହେଳା? ଟ୍ରେନ୍ ନା ଟ୍ରାକରେ ଥିଲା ସମସ୍ୟା? କାହିଁକି ଲାଇନଚ୍ୟୁତ ହେଲା ମାଲଗାଡ଼ି ଟ୍ରେନର ବଗି ? ଗୋଟିଏ ବଗିର ଚକ କୁଆଡ଼େ ଗଲା? ଦୁର୍ଘଟଣା ପୂର୍ବରୁ ନଥିଲା କି ବଗିର ଚକ ? ଯଦି ଚକ ନଥିଲା କେମିତି ଟ୍ରେନ୍ ସହ ହୋଇଥିଲା ସଂଯୋଗ? ଯଦି ଦୁର୍ଘଟଣା ପରେ ଚକ ଖସିଛି ତେବେ ଚକ କୁଆଡ଼େ ଗଲା? ସେଦିଗରେ ତଦନ୍ତ କରାଯାଉଛି ।
ସୂଚନା ଅନୁସାରେ ଆଜି ଲାଇନଚ୍ୟୁତ ହୋଇ ପ୍ଲାଟଫର୍ମ ଟିକେଟ୍ କାଉଣ୍ଟର ଉପରକୁ ମାଡ଼ିଯାଇଥିଲା ମାଲବାହୀ ଟ୍ରେନ୍ । ଯାଜପୁର କୋରାଇ ରେଳ ଷ୍ଟେସନରେ ଭୟଙ୍କର ଟ୍ରେନ ଦୁର୍ଘଟଣା । ପ୍ଲାଟଫର୍ମରେ ଟ୍ରେନକୁ ଅପେକ୍ଷା କରିଥିବା କିଛି ଯାତ୍ରୀଙ୍କ ଉପରେ ମାଡ଼ି ଯାଇଥିଲା ଟ୍ରେନ୍। ଫଳରେ ୩ଜଣଙ୍କର ମୃତ୍ୟୁ ହୋଇଥିବା ବେଳେ, ୩ ଜଣ ଗୁରୁତର ହୋଇଛନ୍ତି ।
