ପୁରୀ ସମୁଦ୍ରରେ ଭାସୁଛି ଆଉ ଏକ କଣ୍ଟେନର

ପୁରୀ/ରାଜନଗର: ରାଜନଗର ସମୁଦ୍ର କୂଳରେ ଲାଗିଥିବା ଦୁଇଟି କଣ୍ଟେନରରୁ ଲୋକେ କେମିତି ଜିନିଷ ବୋହି ନେଉଥିଲେ ଦୁଇଦିନ ପୂର୍ବରୁ ଦେଖିଥିଲେ । ଏବେ ଆଉ ଏକ କଣ୍ଟେନର ସମୁଦ୍ରରେ ଭାସୁଛି । ପୁରୀ ସମୁଦ୍ରରେ କଣ୍ଟେନରଟି ଭାସୁଥିବା ଦେଖିବାକୁ ମିଳିଛି ।

ସମୁଦ୍ରକୁ ମାଛ ମାରିବାକୁ ଯାଇଥିବା ମତ୍ସ୍ୟଜୀବୀମାନେ ସମୁଦ୍ରରେ କଣ୍ଟେନରଟିକୁ ଦେଖିଛନ୍ତି । ପୁରୀ ପେଣ୍ଠକଟା ଅଞ୍ଚଳରେ ଏହି କଣ୍ଟେନରଟିକୁ ଠାବ କରାଯାଇଛି । ମତ୍ସ୍ୟଜୀବୀମାନେ କଣ୍ଟେନରଟିକୁ କୂଳକୁ ଆଣିବାକୁ ଉଦ୍ୟମ ଚଲାଇଛନ୍ତି ।

ଅନ୍ୟପକ୍ଷରେ ରାଜନଗର ସାତଭାୟା ସମୁଦ୍ର କୂଳରେ ୩ଟି କଣ୍ଟେନର ଲାଗିବା ଘଟଣାର ତଦନ୍ତ ଆରମ୍ଭ ହୋଇଛି । କୋଲକାତା ଓ ପାରାଦୀପ ପୋର୍ଟର ୭ ଜଣିଆ ଟିମ୍ ସାତଭାୟାରେ କଣ୍ଟେନର ପାଖରେ ପହଁଞ୍ଚି ତଦନ୍ତ କରୁଛନ୍ତି ।

କୋଲକାତା ବନ୍ଦରରୁ ଜାହାଜ ଯୋଗେ ୧୨ଟି କଣ୍ଟେନର ଇଣ୍ଡୋନେସିଆ ଯାଉଥିବା ବେଳେ ଦୁର୍ଘଟଣା ଘଟି ସବୁ ଗୁଡିକ ଭାସି ଯାଇଥିଲା । ସେଥିରୁ ୩ଟି ସାତଭାୟା ସମୁଦ୍ର କୂଳରେ ଲାଗିଛି । ଲୋକେ କଣ୍ଟେନରରୁ ବିଭିନ୍ନ ସାମଗ୍ରୀ ବୋହି ନେଇଥିଲେ ।