ମ୍ୟାଲେରିଆ ନିରାକରଣ; ଆଗରେ ଓଡ଼ିଶା

ଓଡିଶା : ମ୍ୟାଲେରିଆ ନିରାକରଣରେ ଓଡ଼ିଶାକୁ ସଫଳତା । ଅନ୍ୟ ରାଜ୍ୟ ତୁଳନାରେ ଓଡ଼ିଶା ଆଗୁଆ ରାଜ୍ୟ । ୨୦୧୮ତୁଳନାରେ ୨୦୧୯ରେ ରାଜ୍ୟରେ ମାଲେରିଆ ସଂକ୍ରମଣ କମିଛି । ବିଗତ ବର୍ଷ ତୁଳନାରେ ୨୦୧୯ରେ ୧୭.୬ ପ୍ରତିଶତ କମିଛି ସଂକ୍ରମଣ ହାର ।

୨୦୧୯ରେ ମୋଟ ୩୯ ହଜାର ୫୫୬ଜଣ ମ୍ୟାଲେରିଆରେ ଆକ୍ରାନ୍ତ ହୋଇଛନ୍ତି । ସେହିପରି ପୂର୍ବବର୍ଷ ତୁଳନାରେ ଆକ୍ରାନ୍ତଙ୍କ ସଂଖ୍ୟାରେ ୪୦.୩୯ ପ୍ରତିଶତ ହ୍ରାସ ହୋଇଥିବାବେଳେ ମ୍ୟାଲେରିଆ ମୃତ୍ୟୁ ସଂଖ୍ୟାରେ ୮୭ ପ୍ରତିଶତ ହ୍ରାସ ହୋଇଛି । ୨୦୧୯ରେ ମ୍ୟାଲେରିଆ ଆକ୍ରାନ୍ତଙ୍କ ସଂଖ୍ୟା ୦.୬ ପ୍ରତିଶତ ରହିଛି ।

ସେହିପରି ୨୦୧୬ ରେ ମ୍ୟାଲେରିଆ ମୃତ୍ୟୁସଂଖ୍ୟା ୭୭ ଥିବାବେଳେ ୨୦୧୯ରେ ମୃତ୍ୟୁସଂଖ୍ୟା ୯ କୁ ହ୍ରାସ ପାଇଛି । ମାଲକାନଗିରି, ରାୟଗଡ଼ା ଓ କୋରାପୁଟରେ ସ୍ଥିତି ଚିନ୍ତାଜନକ ରହିଛି । କୋଭିଡ ପାଇଁ ଜୁଲାଇ ପର୍ଯ୍ୟନ୍ତ ସଂକ୍ରମଣ ବଢ଼ିଛି । ତେବେ ଜୁଲାଇ ପରଠୁ ସଂକ୍ରମଣହାର ୭୦ ପ୍ରତିଶତ ହ୍ରାସ ହୋଇଛି ।