୪ କ୍ୱିଣ୍ଟାଲରୁ ଅଧିକ ଚନ୍ଦନକାଠ ଜବତ, ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କା

କଟକ: ଏସଟିଏଫ ଜାଲରେ ଚନ୍ଦନକାଠ ତସ୍କର  । ବିପୁଳ ମୂଲ୍ୟବାନ କାଠ ଜବତ ହୋଇଥିବା ବେଳେ  ୩ଜଣ ତସ୍କରଙ୍କୁ ଗିରଫ କରାଯାଇଛି । ଗିରଫ ୩ଜଣ ହେଲେ ହଳଦିବସନ୍ତ ଅଞ୍ଚଳର ହେମନ୍ତ ଚାଟୋଇସ୍, କୃଷ୍ଣପ୍ରସାଦର ଦଣ୍ଜପାଣୀ ଦାସ, ବାଲିଯୋଡିର  କାହ୍ନୁଚରଣ ଭୋଇ । ଚୋରାରେ କଟକ ଜିଲ୍ଲା ଟାଙ୍ଗୀ ଥାନା ଦଳଯୋଡ଼ି ଜଙ୍ଗଲରେ ଚନ୍ଦନକାଠ ବେପାର କରୁଥିବା ବେଳେ ସେମାନଙ୍କଠାରୁ ୪ କ୍ୱିଣ୍ଟାଲ ୬୦ କେଜିର ଚନ୍ଦନକାଠ ଜବତ ହୋଇଛି । ଜବତ ଚନ୍ଦନ କାଠର ଆନୁମାନିକ ମୂଲ୍ୟ ୭୦ଲକ୍ଷ ହେବ । ୩ ଜଣଙ୍କ ବିରୋଧରେ ଟାଙ୍ଗୀ ଥାନାରେ ମାମଲା ହୋଇଛି । ବିଶ୍ୱସ୍ତ ସୂତ୍ରରୁ ଖବର ପାଇ ଚଢ଼ାଉ କରିଥିଲା ଏସଟିଏଫ ।